Prishtinë, 6 janar 2026 19:53
Ministri në detyrë i Punëve të Brendshme, Xhelal Sveçla, pas situatës së rënduar nga reshjet e shiut ka qëndruar në Malishevë për të parë nga afër gjendjen në këtë zonë. Ai ka thënë se për momentin situata është nën kontroll dhe nga zonat më të rrezikuara janë evakuuar banorët.
“Momentalisht gjendemi në fshatin Mirushë të Malishevës, ku po bëjmë inspektimin lidhur me situatën pas vërshimeve këtu por edhe gjithandej Republikës së Kosovës. Situata është stabile e përkundër vështirësive ekipet e ngarkuara për të menaxhuar situatën po ia dalin me sukses. Ekipet po ballafaqohen me këtë dukuri. Një pjesë e banorëve tashmë janë evakuuar, pra nuk ka dëme në njerëz, nuk ka dëme të mëdha as nëpër shtëpitë dhe lokalitetet e ndryshme. Jemi duke e vëzhguar situatën nga afër”, tha Sveçla në një video të publikuar në Facebook.
Ai tha se institucionet janë të angazhuara në të gjitha zonat e prekura, me qëllim të menaxhimit të situatës dhe ofrimit të ndihmës së nevojshme për qytetarët.
“U bëj thirrje të gjithë qytetarëve për kujdes të shtuar dhe bashkëpunim me institucionet përgjegjëse për çdo rast nevoje. Numrat emergjentë janë të qasshëm në çdo kohë: 112 – Qendra e thirrjeve emergjente; 192 – Policia e Kosovës; 193 – Zjarrfikësit; 194 – Ndihma e shpejtë”, ka shtuar Sveçla.
83 vjet nga lindja e Ukshin Hotit, Kurti: Ideali i tij jeton përtej kohës dhe hapësirës 
Avokati i Thaçit i reagon Speciales: Çdo ankesë e të akuzuarve u refuzua nga Apeli 
Haxhiu bën homazhe për Ukshin Hotin në ditëlindjen e tij 
FSK dhuron donacion prej 50 kontejnerësh për Federatën e Futbollit të Kosovës 
PE-ja miraton rezolutën për Kosovën: Reformat dhe përparimi në dialog, kyç për rrugën evropiane 
Pesë kandidatë kalojnë fazën e parë për Kryeprokuror të Shtetit 
Përfundon numërimi i votave të zgjedhjeve të 7 qershorit