Prishtinë 25 Nëntor 2025 12:14
Në ditën e dytë të vizitës zyrtare në Berlin, Zëvendëskryeministri i parë në detyrë për Integrim Evropian, Zhvillim dhe Dialog i Republikës së Kosovës, Besnik Bislimi, u mirëprit nga Ministri i Shtetit për Evropë i Gjermanisë, Gunther Krichbaum.
Zëvendëskryeministri e informoi ministrin Krichbaum mbi ecurinë ekonomike dhe progresin demokratik të Kosovës. Theksoi rritjen ekonomike, uljen e papunësisë, rritjen e prodhimtarisë, si dhe sundimi i ligjit dhe luftimi i korrupsionit.
Rreth procesit të integrimit evropian, zëvendëskryeministri shprehu rëndësinë e pranimit të pyetësorit dhe marrjes së statusit të vendit kandidat, i cili hap rrugë për bashkëpunim dhe përafrim më të ngushtë me BE-në dhe avancimit të perspektivës evropiane. Ai shtoi se integrimi në BE mbetet për Kosovën orientim strategjik dhe aspiratë kyçe, ndërsa mbështetja qytetare për anëtarësimin në BE vijon të mbetet më e larta në rajon. Krahas avancimit të rrugëtimit drejt BE-së, zëvendëskryeministri theksoi edhe rëndësinë e përfundimit të procesit të anëtarësimit në Këshillin e Evropës.
Në takim u bisedua edhe mbi aktualitetin në vend, situatën në rajon, dhe procesi i dialogut. Zëvendëskryeministri Bislimi e falënderoi ministrin Krichbaum për mbështetjen dhe përkrahjen e vazhdueshme të Gjermanisë ndaj Kosovës. Prezent në takim ishte edhe ambasadori i Kosovës në Gjermani, Faruk Ajeti.
Joseph: Serbia, Rusia dhe Kina do të përpiqen ta izolojnë edhe më shumë Kosovën 
Kandiqi i reagon Daçiqit: Politika jote rezultoi me varreza masive t`shqiptarëve 
Kurti emëron 27 zëvendësministra 
Seancë dëgjimore për Ballkanin Perëndimor dhe Kosovën në Kongres, i ftuar zyrtari i State Departamentit 
Kurti thirrje liderëve politikë: Ta zgjidhim çështjen e presidentit 
Kurti premton pagë mesatare mbi 1 mijë euro dhe dyfishim të shtesave për fëmijë 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Nga mediat ruse te portalet serbe në Kosovë – si përhapet lufta hibride?