Prishtinë 19 Nëntor 2025 09:58
Kryeministri në detyrë i Kosovës, Albin Kurti, ka marrë pjesë mbrëmë në pritjen e organizuar nga ambasadori i Japonisë në Kosovë, Kiminori Iwama, me rastin e vizitës së Delegacionit Japonez të Biznesit.
Në fjalën e tij, Kurti u shprehu mirëseardhje përfaqësuesve të biznesit nga Japonia, duke e cilësuar vizitën e tyre si një sinjal të qartë të interesit për zgjerimin e bashkëpunimit ekonomik me Kosovën. Ai theksoi se marrëdhëniet mes dy vendeve mbështeten në respekt, partneritet dhe vlera të përbashkëta, njofton zyra për informim e Kryeministrit.
“Japonia ka qenë një partnere e palëkundur për Kosovën, duke mbështetur zhvillimin dhe institucionet tona. Për këtë jemi thellësisht mirënjohës”, tha Kurti.
Bëhet e ditur se Kurti foli edhe për potencialin ekonomik të vendit, duke theksuar se Kosova po krijon hapësira të reja për investime, inovacion dhe partneritete në fusha si teknologjia, prodhimi, energjia e ripërtëritshme, bujqësia dhe industritë digjitale.
Ai tha se takimet e delegacionit japonez me institucione dhe ndërmarrje vendore do të hapin rrugën për projekte të reja të përbashkëta, duke konfirmuar se të dy vendet kanë gatishmëri për të thelluar bashkëpunimin ekonomik dhe për të tërhequr investime japoneze në Kosovë.
Kandiqi i reagon Daçiqit: Politika jote rezultoi me varreza masive t`shqiptarëve 
Kurti emëron 27 zëvendësministra 
Seancë dëgjimore për Ballkanin Perëndimor dhe Kosovën në Kongres, i ftuar zyrtari i State Departamentit 
Kurti thirrje liderëve politikë: Ta zgjidhim çështjen e presidentit 
Kurti premton pagë mesatare mbi 1 mijë euro dhe dyfishim të shtesave për fëmijë 
Zgjidhet Qeveria Kurti 4 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Nga mediat ruse te portalet serbe në Kosovë – si përhapet lufta hibride? 
Policia jep detaje për protestat pas vendimit të Speciales: Dy të arrestuar, gurë e tentativa për depërtim 
21 të vdekur nga shembja e një ndërtese në Gazë, e dëmtuar nga lufta