Prishtinë, 27 tetor 2025
Policia e Kosovës ka pranuar të hënën një donacion me pajisje teknologjike nga Ambasada Gjermane në Kosovë.
Sipas njoftimit zyrtar, donacioni përfshin kompjuterë, monitorë, iPadë dhe një Smart Board modern.
Pajisjet janë dhuruar në kuadër të bashkëpunimit të vazhdueshëm ndërmjet Policisë së Kosovës dhe Policisë Federale Gjermane (BKA), përmes Zyrës së Ndërlidhësit Policor Gjerman.
“Qëllimi i këtij donacioni ka qenë avancimi i shërbimeve policore të ILECU-t, në kuptim të ngritjes së kapaciteteve policore për një shërbim edhe më profesional e cilësor”, thuhet në njoftim.
Gjatë takimit ndërmjet Drejtorit të Përgjithshëm të Policisë së Kosovës, kolonel Gazmend Hoxha, dhe ambasadorit gjerman, Rainer Rudolph, u theksua rëndësia e bashkëpunimit mes dy institucioneve, si dhe angazhimi për thellimin e projekteve që synojnë forcimin e bashkëpunimit policor ndërkombëtar.
Policia e Kosovës ka shprehur mirënjohje për mbështetjen e vazhdueshme të Ambasadës Gjermane dhe ka theksuar se ky donacion do të ketë ndikim të drejtpërdrejtë në ngritjen e cilësisë dhe efikasitetit të shërbimeve policore.
Në ceremoninë e pranim-dorëzimit morën pjesë stafi i lartë menaxhues i Policisë së Kosovës, përfaqësues të Drejtorisë së ILECU-t dhe zyrtarë të Ambasadës Gjermane, bartës të këtij projekti.
Përkujtohe Masakra e Studimes, kërkohet drejtësi për krimet e luftës 
KQZ: Fillon aplikimi për certifikim të subjekteve politike dhe dorëzim të listave të kandidatëve për deputetë 
Kërkohen masa të rrepta dhe ndëshkime për kompanitë e ndërtimit që s’i respektojnë rregullat për sigurinë e punëtorëve 
Sektori i teknologjisë në Kosovë ul ndjeshëm papunësinë e të rinjve 
Gjashtë ditë afat për zyrtarizim të koalicioneve 
27 vjet nga masakra e Studimes së Vushtrrisë 
Kupchan: Angazhimi i FSK-së në Gazë nuk mbartë rreziqe serioze 
Eksperti ndërkombëtar: Kosova po përballet me fushata të dezinformimit që vijnë nga jashtë