Prishtinë, 11 shtator 2025
Gjykata e Prishtinës ka vendosur që t’u vazhdojë edhe për dy muaj masën e paraburgimit Dragisha Viqentijeviqit dhe Jovan Viqentijeviqit, të dyshuar për sulmin terrorist të kryer më 29 nëntor 2024 në kanalin e ujit të ndërmarrjes “Ibër-Lepenc” në Zubin Potok.
Vendimi është marrë më 25 gusht 2025, pas kërkesës së Prokurorisë Speciale të Republikës së Kosovës, ka bërë të ditur zëdhënësja e Gjykatës, Mirlinda Gashi.
Sulmi shkaktoi dëme të mëdha materiale dhe ndërpreu furnizimin me ujë për zona të gjera, duke rrezikuar edhe sigurinë energjetike të vendit.
Policia ka njoftuar se për shpërthimin është përdorur një sasi prej 15 deri në 20 kilogramësh eksploziv.
Pas ngjarjes, Këshilli i Sigurisë së Kosovës kishte mbajtur mbledhje të jashtëzakonshme, ndërsa rastin e dënuan ashpër edhe SHBA dhe Bashkimi Evropian.
Beogradi zyrtar mohoi çdo përfshirje në këtë sulm, ndërsa kryeministri në detyrë, Albin Kurti deklaroi se prapa veprimeve qëndrojnë struktura të dirigjuara nga Serbia.
Hetimet vazhdojnë, ndërsa përveç dy të pandehurve kryesorë, policia ka shoqëruar disa persona dhe ka sekuestruar armë, municion e pajisje të tjera të dyshuara si prova.
Në korrik nis gjykimi ndaj 21 të akuzuarve për masakrën e Reçakut 
Sveçla konfirmon interes të shtuar për shtetësinë e Kosovës nga qytetarët serbë 
Sveçla: Xhandarmëria do të mbrojë kufijtë dhe sovranitetin e Kosovës 
Kurti jep detaje për krijimin e Xhandarmërisë: Do ta plotësojë boshllëkun mes Policisë dhe FSK-së, njësi speciale për sigurinë e territorit 
Maqedonci në SHBA takon Daniel Zimmermanin, diskutojnë për sigurinë dhe anëtarësimin e Kosovës në NATO 
Mijëra hektarë po trajtohen kundër rriqrave bartës të virusit të etheve hemorragjike 
Kolona njerëzish nën presion, slogane pa zgjidhje e nacionaliste: Lista Serbe rikthen narrativën e frikës në Zveçan, në ditën e parë të fushatës