Prishtinë, 02 shtator 2025
Në kuadër të punimeve të Forumit Strategjik të Bledit, zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, zhvilloi një takim me zëvendëskryeministren dhe ministren e Punëve të Jashtme dhe Evropiane të Sllovenisë, Tanja Fajon.
Gjatë takimit u diskutua për thellimin e bashkëpunimit ekonomik dhe nxitjen e lidhjeve ndërmjet bizneseve të të dyja vendeve, si një hap kyç për ndërtimin e një partneriteti të qëndrueshëm dhe afatgjatë mes Kosovës dhe Sllovenisë.
Në njoftim thuhet se çështje me rëndësi të veçantë ishte finalizimi i procesit të njohjes së patentë-shoferëve të Kosovës në Slloveni, që do të lehtësojë ndjeshëm jetën e mërgatës kosovare dhe do të forcojë më tej lidhjet ndërmjet dy vendeve.
Sipas njoftimit, Gërvalla shprehu falënderimet e saj për mbështetjen e vazhdueshme të Sllovenisë ndaj Kosovës në procesin e integrimit euroatlantik, duke vlerësuar këtë mbështetje si dëshmi të rolit të Sllovenisë si mike dhe partnere strategjike e Kosovës.
“Mbështetja e palëkundur e Sllovenisë për integrimin euroatlantik të Kosovës riafirmon rolin e saj si një aleate dhe partnere strategjike e vendit tonë”, theksoi Gërvalla.
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani 
Konstituimi i Kuvendit, Haxhiu fton në takim kryetarët e partive 
Shqipëria i përgjigjet Vuçiqit: Retorika nacionaliste s’mund ta tërheqë zvarrë rajonin 
Kamberi: Propozim për rezolutë që trajton krimet e luftës në Kosovë 
Këshilli i Partisë Demokratike Popullore në Nikshiq nis një iniciativë drejtuar Asamblesë së Qytetit për të tërhequr njohjen e Kosovës 
Ministri francez për Evropën arrin në Kosovë për vizitë zyrtare 
Drita kualifikohet në raundin e tretë të Conference League 
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit