27 gusht, 2025
E ngarkuara me Punë në ambasadën e SHBA-së në Kosovë, Annu Prattipati, ka deklaruar se vendimi i Kosovës për të hequr tarifat mbi mallrat amerikane përfaqëson një akt lidershipi dhe përkushtimi ndaj forcimit të raporteve ekonomike me Shtetet e Bashkuara.
Duke folur në forumin “Largimi i barrierave, ndikimi ekonomik i tarifave 0% për mallrat amerikane”, të organizuar nga Oda Ekonomike Amerikane në Kosovë, Prattipati theksoi se heqja e tarifave rrit qasjen e qytetarëve kosovarë në produktet amerikane dhe krijon më shumë mundësi për bizneset në të dyja vendet.
Ajo e vlerësoi vendimin si me përfitime të dyanshme, që pritet të ndikojë në rritjen ekonomike dhe në thellimin e bashkëpunimit tregtar mes Kosovës dhe SHBA-së.
Nga ana tjetër, ministri në detyrë i Financave, Hekuran Murati, tha se ky është një nga vendimet më të rëndësishme në forcimin e partneritetit strategjik me SHBA-në, duke hapur rrugën për rritjen e investimeve amerikane në Kosovë.
Kryetari i Odës Ekonomike të Kosovës, Lulzim Rafuna, kujtoi se nga 1 gushti të gjitha mallrat me origjinë amerikane i nënshtrohen tarifës doganore 0%, ndërsa theksoi se arkitektura tarifore e Kosovës tashmë po barazohet me atë të BE-së, SHBA-së dhe Turqisë.
Edhe drejtori i Odës Ekonomike Amerikane, Arian Zeka, nënvizoi se ky hap do të nxisë prodhimin, investimet dhe do të forcojë më tej partneritetin ekonomik mes Kosovës dhe Shteteve të Bashkuara.
Kandiqi i reagon Daçiqit: Politika jote rezultoi me varreza masive t`shqiptarëve 
Kurti emëron 27 zëvendësministra 
Seancë dëgjimore për Ballkanin Perëndimor dhe Kosovën në Kongres, i ftuar zyrtari i State Departamentit 
Kurti thirrje liderëve politikë: Ta zgjidhim çështjen e presidentit 
Kurti premton pagë mesatare mbi 1 mijë euro dhe dyfishim të shtesave për fëmijë 
Zgjidhet Qeveria Kurti 4 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës