23 gusht 2025
Ish-deputetja në Parlamentin e Kroacisë, Ermina Lekaj-Prljaskaj, ka paralajmëruar se qëllimi i Serbisë është nxitja e konflikteve në rajon, duke përmendur Kosovën, Bosnje e Hercegovinën dhe Malin e Zi si shtete që shpesh përballen me provokime nga Beogradi.
Në një intervistë për KosovaPress, Prljaskaj tha se bashkëpunimi i Kosovës me Kroacinë dhe Shqipërinë në fushën e mbrojtjes është një hap i rëndësishëm, veçanërisht në kontekstin aktual gjeopolitik. Ajo theksoi se Kroacia, si anëtare e NATO-s, mund të ofrojë përvojë të vlefshme në fushën ushtarake për Kosovën.
“Qëllimi i Serbisë është të nxitë konflikte të tjera, të kemi zjarre të luftës edhe në vende të tjera, jo vetëm në Ukrainë, por edhe në Kosovë, në Bosnje e Hercegovinë apo në Malin e Zi. Këto janë nxitje për të mbajtur pushtetin në Serbi duke i ngacmuar shtetet fqinje”, u shpreh ajo.
Ajo rikujtoi se Serbia vazhdon të ketë raporte të ngushta me Rusinë dhe nuk ka vendosur sanksione ndaj saj pas agresionit në Ukrainë, pavarësisht presionit nga Perëndimi.
Sipas saj, Kosova duhet të mos bie në provokime, por të vazhdojë të forcojë ushtrinë dhe kapacitetet e saj mbrojtëse në bashkëpunim me shtetet partnere të Bashkimit Evropian dhe NATO-s.
Këshilli i Partisë Demokratike Popullore në Nikshiq nis një iniciativë drejtuar Asamblesë së Qytetit për të tërhequr njohjen e Kosovës 
Ministri francez për Evropën arrin në Kosovë për vizitë zyrtare 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe? 
Bajrami: Kosova meriton më shumë nga BE-ja 
Paunoviq mbron deklaratën për “spastrim etnkik” të Kosovës 
Qeveria miraton nismën për aderimin e Kosovës në zonën “EU Roam Like Home” 
Dëshmitari në rastin “Ibër-Lepenci”: 20 nga 24 mostrat përputheshin me ADN-në e të akuzuarit Viqentijeviq 
Punimet në Parkun Industrial në Frashër avancojnë, shtohet interesi i bizneseve për investime 
Aktakuzë ndaj 57-vjeçarit që qëlloi me kallashnikov drejt autobusit në Malishevë