Prishtinë, 17 gusht 2025
Kryeministri në detyrë i Kosovës, Albin Kurti, bëri homazhe dhe vendosi kurorë me lule te varri i veprimtarit dhe patriotit Fazli Greiçevci, në 61-vjetorin e vrasjes së tij.
Me këtë rast, Kurti tha se Fazli Greiçevci i përket një gjenerate të hershme veprimtarësh, të cilët sakrifikuan gjithçka për lirinë që gëzojmë sot. Ai kujtoi se Greiçevci ishte pjesë e rëndësishme e organizimeve politike, së bashku me veprimtarin dhe simbolin e rezistencës kombëtare, Adem Demaçi.
Kurti theksoi se, përveç si veprimtar dhe patriot, Greiçevci dha kontribut të madh edhe si mësues, poet, intelektual dhe aktivist i palodhur.
“Në këtë përvjetor, e kujtojmë dhe përulemi para veprës së tij të lavdishme për liri dhe dinjitet. Ai u nda nga jeta si pasojë e torturave vdekjeprurëse të policisë sekrete jugosllave, në burgun e Prishtinës, më 17 gusht 1964. Lavdi jetës dhe veprës së Fazli Greiçevcit!”, tha Kurti.
Thaçi mohon çfarëdo përfshirje në vrasje 
Shënohet viktima e parë nga Virusi i Nilit Perëndimor në Kosovë 
“Prishtina 2026” promovon produktet vendore dhe hap mundësi të reja për bizneset 
Studentët revoltohen me Specialen, marshojnë në protestë, mbështesin katërshen e UÇK-së 
Gjykimi për krime lufte nuk nis për shkak të mungesës së avokatit 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Kuvendi i Shqipërisë me deklaratë mbi aktgjykimin e Hagës 
Takohen Kurti e Hamza