Merdare, 17 Gusht 2025
Prokuroria Speciale ka njoftuar se ka ndaluar prë 48 orë një person nën dyshimin për krime lufte në Kosovë.
Policia e Kosovës ka ndaluar në pikën kufitare në Merdar të dyshuarin S.S.
Ai dyshohet se gjatë luftës në Kosovë, ka kryer krime lufte kundër popullësisë civile në Komunën e Vushtrrisë.
“Nën dyshimet për krime lufte, Prokuroria Speciale e Kosovës ka ndaluar për 48 orë personin me inicialet S.S. Policia e Kosovës, përkatësisht hetuesit policorë nga Drejtoria për Hetimin e Krimeve të Luftës, kanë arrestuar S.S., në pikën kufitare të Republikës së Kosovës me Serbinë në Merdar, dhe në bashkëpunim me Prokurorinë Speciale janë duke i ndërmarrë të gjitha veprimet e nevojshme hetimore, në përputhje me Kodin e Procedurës Penale. Ai dyshohet se gjatë luftës së fundit në Kosovë, ka kryer veprën penale “Krime lufte kundër popullsisë civile” në Komunën e Vushtrrisë. Brenda afatit të përcaktuar ligjor, ndaj S.S do të parashtrohet kërkesë për caktimin e masës së paraburgimit në Gjykatën Themelore në Prishtinë”, thuhet në njoftimin e përbashkët të Prokurorisë Speciale dhe Policisë së Kosovës.
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Nis hetimi parlamentar për vrasjen e Arlinda Zekajt, nëntë ditë pas ngjarjes 
Kurti: Eksporti është rritur për 27.5 për qind krahasuar me vitin 2021 
Mbi 2 mijë të mbijetuar me status zyrtar, drejtësia mbetet sfidë