Prishtinë, 13 Gusht 2025
Prokuroria Speciale dhe Policia e Kosovës kanë njoftuar se, mëngjesin e sotëm në Prishtinë, është arrestuar R. M., i dyshuar për “krime lufte kundër popullsisë civile”.
Sipas informacioneve të Gazetës Insajderi, i arrestuari është shtetasi shqiptar me emrin Ramadan Morina.
Morina dyshohet se, gjatë periudhës 29–31 mars 1999, në bashkëkryerje me pjesëtarë të forcave policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim, Komuna e Malishevës.
Po sipas burimeve të Insajderit, Morina jetonte në Serbi dhe punonte si taksist.
“Gjatë hetimeve janë siguruar prova materiale, përfshirë dëshmi të dëshmitarëve okularë dhe të mbijetuarve”, thuhet në njoftimin e Prokurorisë.
Prokuroria Speciale ka bërë të ditur se, brenda afatit ligjor, do të paraqesë kërkesën për caktimin e masës së paraburgimit ndaj të arrestuarit në Gjykatën Themelore të Prishtinës – Departamenti Special.
Gjenden mbetje mortore, dyshohet se janë të 23 intelektualëve shqiptarë të zhdukur gjatë luftës në Kosovë 
Marrëveshje bashkëpunimi mes ministrive, FSK pjesë e aksioneve për ambient të pastër 
Njësitet e Policisë, EULEX-it në lokacionin e dyshuar për varrezë masive në Kalludër të Zubin Potokut 
Shaqir Lutvija dënohet me 10 vjet burgim për krime lufte 
Gjenerali amerikan Wikoff në Qeveri për takim me Kurtin, diskutohet situata e sigurisë dhe bashkëpunimi i Kosovës me NATO-n 
Hetime për mashtrim me importin e veturave, sekuestrohen pesë automjete në Vushtrri 
Konstituimi i Kuvendit, Haxhiu fton në takim kryetarët e partive 
Sonte Drita-Floriana, në rrethin e dytë të Ligës së Konferencës