E hënë, 4 Gusht 2025
Kosova është bërë anëtarja e 43-të e Aleancës Evropiane për Praktikën Profesionale (EAfA), një platformë e rëndësishme që synon fuqizimin e arsimit profesional dhe përafrimin e tij me tregun e punës.
Lajmin e ka bërë të ditur Ministria e Arsimit, Shkencës, Teknologjisë dhe Inovacionit, e cila e cilësoi këtë si një arritje të madhe që pasqyron përkushtimin për zhvillimin e arsimit profesional në vend.
Përmes këtij anëtarësimi, Kosova fiton mundësinë të përfshijë në platformë organizata të tjera vendore si: odat ekonomike, shoqatat sektoriale, përfaqësues të sektorit privat dhe partnerë socialë. Po ashtu, i hapet rruga bashkëpunimit me shtete të tjera në fushën e praktikave cilësore, mobilitetit të praktikantëve dhe ndërtimit të partneriteteve strategjike me kompani dhe institucione arsimore në gjithë Evropën.
EAfA promovon praktika efektive dhe cilësore, mbështet ndërmarrjet e vogla e të mesme, përfshin praktikantët në vendimmarrje dhe ndihmon të rinjtë në kalimin nga shkolla në tregun e punës përmes përvojës praktike.
“Pas aplikimit, si ministri kemi përmbushur standardet e kërkuara për anëtarësim në këtë platformë evropiane”, thuhet në njoftim.
“Prishtina 2026” promovon produktet vendore dhe hap mundësi të reja për bizneset 
Studentët revoltohen me Specialen, marshojnë në protestë, mbështesin katërshen e UÇK-së 
Gjykimi për krime lufte nuk nis për shkak të mungesës së avokatit 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Procedurat e Apelit që duhen ndjekur mbrojtjet e ish-krerët e UÇK-së 
FSK zhvillon qitje me mortaja në Shqipëri, thellohet bashkëpunimi me Forcat e Armatosura