Prishtinë, 29 shtator 2026 17:20
Gjyqtarët Michele Picard, Kai Ambos dhe Nina Jorgensen janë caktuar si trup gjykues i Apelit për çështjen lidhur me aktgjykimin ndaj ish-krerëve të UÇK-së të dënuar nga gjykata e shkallës së parë.
Në njoftimin e Dhomave të Specializuara thuhet se trupi gjykues i lartpërmendur është caktuar me 22 shtator nga kryetarja e gjykatës Speciale, Ekatarina Trendafilova.
“Pas kërkesës konfidenciale nga ekipet e Mbrojtjes së Thaçit, Veselit, Selimit dhe Krasniqit për zgjatjen e afatit për njoftimet për apel, më 22 shtator 2026, Kryetarja e Dhomave të Specializuara caktoi Panelin e Gjykatës së Apelit, të përbërë nga gjykatësit Mishelë Pikar, Kai Ambos dhe Nina Jorgensen, për të vendosur mbi këtë kërkesë dhe mbi të gjitha parashtrimet e tjera në kuadër të njoftimit për apel në lidhje me Aktgjykimin në këtë çështje”, njoftoi gjykata.
Gjykata Speciale me seli në Hagë më 16 shtator ka dënuar Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet burgim. Të gjithë janë dënuar për krime lufte, ndërsa janë shpallur të pafajshëm për krime kundër njerëzimit.
Pasuria e pajustifikueshme në verifikim, hyn në fuqi ligji për Byronë 
Milan Radoiçiq është larguar drejt Rusisë 
20 lokacione të hulumtuara në Kosovë, mbi 1 mijë e 500 të zhdukur nga lufta 
Policia sekuestron dokumente të dyshuara të strukturave paralele serbe në Bërnjak 
Gjenden mbetje mortore në fshatin Brod të Shtërpcës, pritet identifikimi përmes ADN-së 
Radulloviqi përballet me akuzat për terrorizëm në Banjskë, ndërpritet seanca 
Kosova forcon bashkëpunimin juridik me Suedinë dhe Belgjikën