Prishtinë, 14 gusht 2026 13:35
Një gjyqtar i Gjykatës Themelore në Prishtinë është arrestuar nën dyshimin për keqpërdorim të detyrës zyrtare.
Prokuroria Speciale e Kosovës, në bashkëpunim me Njësinë e Veçantë Hetimore të Policisë së Kosovës, ka njoftuar se ka ndërmarrë veprime hetimore që kanë rezultuar me arrestimin e personit me inicialet A.G., i cili ushtron detyrën e gjyqtarit në Gjykatën Themelore në Prishtinë, përcjell Veritasinfo.
Sipas njoftimit të përbashkët të Prokurorisë Speciale dhe Policisë së Kosovës, hetimet ndaj tij janë zhvilluar në mënyrë intensive dhe të vazhdueshme për disa muaj.
Gjatë hetimeve, autoritetet kanë siguruar të dhëna dhe prova mbi bazën e të cilave Prokuroria Speciale ka vlerësuar se ekziston dyshim i arsyeshëm për përfshirjen e gjyqtarit në veprën penale për të cilën është arrestuar.
Prokuroria Speciale nuk ka dhënë detaje të tjera lidhur me rastin, duke theksuar se një gjë e tillë bëhet për të ruajtur integritetin e procesit hetimor dhe për të respektuar parimin e prezumimit të pafajësisë.
Autoritetet kanë deklaruar se mbeten të përkushtuara në luftimin e korrupsionit dhe keqpërdorimit të detyrës zyrtare, duke theksuar se veprimet e tyre do të vazhdojnë në përputhje me ligjin dhe standardet e drejtësisë penale.
Identifikohen mbetjet mortore të dy personave në veri të Kosovës 
Gjykata lejon gjykimin në mungesë të 21 të akuzuarve për krime lufte 
Dëbimi i qindra mijëra shqiptarëve, nis gjykimi në mungesë ndaj 21 të akuzuarve 
Protesta në Shkup, Gjenevë, Oslo, Treviso, Melburn dhe në disa qytete të Gjermanisë kundër aktgjykimit të Speciales 
Dosja 23: Mësohen emrat e nëntë serbëve të arrestuar për krime lufte në Zubin Potok 
Nëntë të arrestuar në Zubin Potok për krime lufte – operacioni lidhet me rastin “Grupi i intelektualëve” 
Gola në Strasburg: Nëse zbatohen rigorozisht standardet ndërkombëtare të drejtësisë, liderët e UÇK-së do të lirohen 
Kuvendi miraton deklaratën për aktgjykimin e Speciales