Inspektorati ndalon punimet në një objekt ndërtimi edhe në Gjilan

Prishtinë, 10 gusht 2026 21:30

Inspektorati i Punës ndalon përkohësisht punimet në një objekt ndërtimi në Gjilan

Inspektorati Qendror i Punës ka ndaluar përkohësisht punimet në një objekt ndërtimi në Gjilan, pas konstatimit të parregullsive dhe mungesës së masave të nevojshme për garantimin e sigurisë dhe shëndetit të punëtorëve.

Gjatë inspektimit në terren, zyrtarët e Inspektoratit kanë evidentuar mangësi në zbatimin e masave të sigurisë dhe shëndetit në punë.

Si pasojë e këtyre gjetjeve, Inspektorati Qendror i Punës ka nxjerrë vendim për ndalimin e përkohshëm të punimeve në objekt, deri në eliminimin e të gjitha mangësive të konstatuara dhe krijimin e kushteve të sigurta për vazhdimin e punës.

Sipas njoftimit, inspektorati mbetet i përkushtuar në mbikëqyrjen e zbatimit të legjislacionit të punës dhe në garantimin e respektimit të standardeve të sigurisë në vendet e punës.

Inspektorati u ka bërë apel punëdhënësve që t’i respektojnë në mënyrë të plotë masat dhe standardet e sigurisë dhe shëndetit në punë, me qëllim të parandalimit të aksidenteve dhe mbrojtjes së jetës dhe shëndetit të punëtorëve.