Krimineli serb i luftës, gjenerali në pension, Momir Stojanoviq, nën aktakuzë për krime lufte në Kosovë

Prishtinë, 4 gusht 2026 08:38

I akuzuar nga Prokuroria Speciale e Kosovës si një nga drejtuesit kryesor të operacionit ushtarak që çoi në masakrën e Mejës të Gjakovës dhe fshatrave përreth, ku në prill të vitit 1999 u vranë 370 civilë shqiptarë, gjenerali në pension i Ushtrisë Jugosllave, Momir Stojanoviq, është thirrur sërish nga Prokuroria për Krime Lufte në Beograd, shkruan Veritasinfo.

Sipas aktakuzës së ngritur në fund të vitit 2023, Stojanoviq, në cilësinë e shefit të sigurisë së Korpusit të Prishtinës të Ushtrisë Jugosllave, kishte rol udhëheqës në planifikimin dhe zbatimin e operacionit në zonën e Mejës dhe fshatrave përreth në komunën e Gjakovës.

Ai është ankuar se dikush nga autoritetet e organeve serbe, i ka dhënë informacione gjyqësorit në Kosovë, për adresat dhe vendndodhjet e të akuazuarve për krime lufte në Kosovë, ndaj të cilëve janë ngritur aktakuza nga Prokuroria Speciale e Kosovës dhe kanë nisur procese gjyqësore.

Përveç Stojanoviqit, në aktakuzë përfshihen edhe ish-zyrtarë të lartë ushtarakë, policorë dhe të sigurisë të Serbisë dhe Republikës Federale të Jugosllavisë, përfshirë Frank Simatoviq – Frenki, Dragan Zhivanoviq, Veroljub Zhivkoviq, Ilija Todorov dhe të tjerë.

Gjykimi në mungesë ndaj të akuzuarve ka nisur vitin e kaluar në Gjykatën Themelore në Prishtinë.