Ministria e Infrastrukturës investon 1.85 milionë euro për rrugën Arllat – Malishevë

Prishtinë, 30 korrik 2026 9:48

Ministri i Infrastrukturës dhe Transportit, Dimal Basha, ka njoftuar se po vazhdojnë punimet për rehabilitimin e rrugës rajonale Arllat – Malishevë (R110), një projekt që synon përmirësimin e infrastrukturës rrugore dhe lehtësimin e qarkullimit për qytetarët, transmeton Veritasinfo.

Sipas ministrit, projekti përfshin rehabilitimin e rreth 11.7 kilometrave të kësaj rruge, ndërsa vlera e investimit arrin në rreth 1.85 milionë euro.
Basha ka theksuar se ky investim është pjesë e angazhimit të Ministrisë së Infrastrukturës dhe Transportit për modernizimin e rrjetit rrugor në Komunën e Malishevës.

“Ky është vetëm një nga projektet që Ministria e Infrastrukturës dhe Transportit po realizon në Komunën e Malishevës, me synim përmirësimin e infrastrukturës dhe krijimin e kushteve më të mira për qytetarët”, ka shkruar ai.

Punimet në rrugën Arllat – Malishevë pritet të përmirësojnë sigurinë në komunikacion dhe të lehtësojnë lidhjen rrugore për banorët dhe bizneset e zonës.