Prishtinë, 23 korrik 2026 06:54
Ndërmarrja Hidroekonomike “Ibër-Lepenc” u ka kërkuar banorëve të zonës kadastrale në afërsi të Liqenit të Ujmanit, që brenda shtatë ditësh ta dorëzojnë dokumentacionin që dëshmon pronësinë mbi tokat dhe objektet e tyre.
Në dokumentin, të cilin e ka siguruar RTKLive, e i cili mban datën e sotme (22 korrik 2026) thuhet se kërkesa u drejtohet të gjithë banorëve që posedojnë pasuri të paluajtshme në territorin e mbuluar nga projektet e ndërmarrjes.
Sipas njoftimit, qytetarët duhet të dorëzojnë dëshminë e pronësisë (tapinë), kontratën e blerjes apo shitjes ose çdo dokument tjetër ligjor që vërteton pronësinë mbi pasurinë.
Dokumentacioni, sipas letrës zyrtare, mund të dorëzohet fizikisht në zyrat e “Ibër-Lepencit” pranë digës së Ujmanit ose në mënyrë elektronike në adresën [email protected], ndërsa afati për dorëzim është shtatë ditë nga publikimi i njoftimit.
Në dokument është shkruar edhe paralajmërimi se mosrespektimi i këtij afati mund të vështirësojë procesin e verifikimit të pronësisë dhe të ndikojë në të drejtat e personave si pronarë.
Bie numri i familjeve që jetojnë me asistencë sociale në Kosovë 
Deklarohet i pafajshëm ish-pjesëtari të MUP-it serb i akuzuar për krime lufte në Vushtrri 
Për 6 muaj 46 të vdekur nga aksidentet në komunikacion 
Operacion i përbashkët i Prokurorisë, Policisë dhe AKI-së: Tre të arrestuarit dyshohen se përfituan në mënyrë të kundërligjshme nga lëshimi i lejeve të qëndrimit 
Rizvanolli: Parku solar 105 MW, projekti më i madh në katër dekada 
Mashtrim online në emër të Policisë së Kosovës, qytetarët paralajmërohen për dokumente false 
Ballkani humb avantazhin në Irlandë dhe përmbyset nga Bohemians