Prishtinë, 10 korrik 2026 17:15
Dogana e Kosovës ka shënuar rekord në të hyrat e mbledhura, duke inkasuar mbi 1 miliard euro gjatë gjashtëmujorit të parë të vitit 2026.
Sipas njoftimit zyrtar, deri më tani janë mbledhur 1 miliard e 7 milionë euro, që paraqet një rritje prej 5.5 për qind krahasuar me periudhën e njëjtë të vitit të kaluar, kur ishin inkasuar 955 milionë euro.
Ky rezultat, sipas Doganës, është arritur falë performancës së qëndrueshme ekonomike, bashkëpunimit me sektorin privat, përmbushjes së obligimeve ligjore nga komuniteti i biznesit, si dhe rritjes së efikasitetit në luftimin e ekonomisë joformale.
Një zhvillim i rëndësishëm gjatë këtij viti është edhe aplikimi i deklarimit para arritjes së mallrave, pas shtetëzimit të plotë të terminaleve doganore dhe heqjes së pagesave për to.
Dogana ka bërë të ditur se rezultatet e para të këtij sistemi janë pozitive dhe janë mirëpritur nga komuniteti i tregtarëve.
“Dogana e Kosovës mbetet e përkushtuar në vazhdimin e përpjekjeve për avancimin e mëtejshëm të kapaciteteve të saj operative”, thuhet në njoftim.
Akuzat për spiunazh, Prokuroria: Shabani dhe Qerimi bashkëpunuan me BIA-n 
Jagxhiu: Internet falas në 43 lokacione publike në 33 komuna të Kosovës 
Murati: Kosova ul kufirin e pagesave me para të gatshme për të parandaluar financimet e paligjshme 
Kosova dhe Maqedonia e Veriut synojnë thellimin e bashkëpunimit në bujqësi dhe siguri ushqimore 
Në Leposaviq gjenden armë e pajisje ushtarake 
Gjykimi për krime lufte, dëshmitarja rrëfen keqtrajtimin gjatë luftës 
Vëlla e motër, viktimat e krimit të sotëm në Gjilan 
Shiroka Pula dhe Jashari diskutojnë për sigurinë në Kosovë 
Dy të vrarë dhe një i plagosur në Livoç të Ulët, i dyshuari dorëzohet në Polici