Prishtinë, 6 korrik 2026 08:04
Avokati Arianit Koci ka bërë të ditur se një qytetar nga Kosova pretendon se është detyruar t’u japë dy mijë euro policëve serbë në pikën kufitare Batrovci/Bajakovo, pasi, sipas tij, është kërcënuar me arrestim dhe paraburgim.
Në një postim në Facebook, Koci ka thënë se është kontaktuar nga një qytetar me emrin Ilir, identitetin e të cilit, sipas tij, e ka verifikuar dhe posedon dokumentet e tij.
Sipas qytetarit, ngjarja ka ndodhur rreth orës 16:30, gjatë daljes nga Serbia, kur ai dhe familja e tij janë ndaluar për kontroll në këtë pikë kufitare. Ai pretendon se familja është dërguar në një garazh brenda zonës kufitare, ku disa policë kanë kontrolluar sendet personale dhe telefonat mobilë.
Koci shkruan se, sipas pretendimeve të qytetarit, gjatë kontrollit në telefonat e fëmijëve janë gjetur fotografi me flamurin shqiptar dhe të UÇK-së, pas së cilës ai është kërcënuar se do të arrestohej dhe do të dërgohej në paraburgim në Beograd, ndërsa fëmijët e tij do të mbeteshin vetëm, nëse nuk paguante 2 mijë euro.
“Sipas rrëfimit të tij, nga frika, ua ka dhënë policëve 2.000 euro”, ka shkruar Koci.
Ai tutje ka thënë se kjo ngjarje është jashtëzakonisht serioze po që se këto pretendime janë të sakta.
Koci u ka bërë thirrje të gjithë qytetarëve që pretendojnë se kanë përjetuar trajtim të ngjashëm gjatë kalimit nëpër Serbi që ta kontaktojnë atë, si dhe të njoftojnë stacionin më të afërt policor dhe Ambasadën e Kosovës në vendin ku jetojnë.
Sipas Kocit, nëse konfirmohen raste të tjera me elemente të ngjashme, ato duhet të dokumentohen dhe të ndiqen përmes rrugëve ligjore.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi