Prishtinë, 3 korrik 2026 17:13
Kryeministri në detyrë i Kosovës, Albin Kurti, ka pritur në takim përfaqësues të klubit Vespa Fanatics Prishtina, të udhëhequr nga kryetari i klubit dhe njëherësh kryetar i Vespa Club Kosova, Enis Berkolli.
Gjatë takimit u diskutua për aktivitetet e klubit, si dhe për organizimin e festivalit ndërkombëtar “Vespa Festival Prishtina 2026”, i cili do të mbahet më 5 dhe 6 shtator në Prishtinë.
Sipas njoftimit të Zyrës së Kryeministrit, Kurti shprehu mbështetjen e tij për klubin dhe vlerësoi angazhimin e anëtarëve në promovimin e Kosovës në ngjarjet ndërkombëtare të komunitetit Vespa.
Përfaqësuesit e klubit njoftuan se në festival pritet të marrin pjesë klube nga më shumë se dhjetë shtete, përfshirë Shqipërinë, Maqedoninë e Veriut, Kroacinë, Turqinë, Greqinë, Italinë, Zvicrën, Gjermaninë, Belgjikën, Spanjën dhe Meksikën.
Po ashtu, në Prishtinë pritet të vijnë edhe personalitete të rëndësishme të komunitetit ndërkombëtar të Vespa-s, mes tyre presidenti i Vespa World Club, Mauro Calestrini, sekretari i Piaggio Group dhe Vespa World Club, Marco Manzoli, si dhe përfaqësues të tjerë të organizatave evropiane të Vespa-s.
Në takim u diskutua edhe për synimin që Kosova të jetë mikpritëse e festivalit “European Vespisti Week 2028”, për të cilin tashmë kanë nisur përgatitjet dhe procesi i aplikimit.
Klubi Vespa Fanatics Prishtina ka rreth 120 anëtarë, mbi 30 prej tyre gra. Muajin e kaluar, ai përfaqësoi Kosovën në aktivitetet “European Vespisti Week 2026” në Ostend të Belgjikës dhe “Vespa World Days 2026” në Romë të Italisë.

Kamberi kërkon nga qeveria e re e Serbisë njohjen e diplomave të Kosovës
Kosova kalon në pagesa të shpejta, paratë do të transferohen 24/7
Nis rrënimi i gjashtë objekteve pa leje në zonën e Liqenit të Ujmanit
Kurti: Strukturat paralele në veri janë shkatërruar, 29 rrugë ilegale janë mbyllur
Miratohet në parim Projektbuxheti për vitin 2027
4.27 miliardë euro buxhet për 2027, paga e 13-të dhe 908 milionë euro për komunat
Rusia rrit tensionet me NATO-n, Aleanca mblidhet pas incidentit në Poloni
Ballkani mposht Gjilanin me përmbysje
Vdekje në vendin e punës në Istog, Prokuroria nis hetimet
Sveçla: Fabrika e municionit, dëshmi e partneritetit strategjik Kosovë–Turqi