Prishtinë, 3 korrik 2026 15:43
Prokuroria Speciale e Kosovës ka ngritur dy aktakuza për veprën penale “Krime lufte kundër popullsisë civile”, duke i dorëzuar ato në Gjykatën Themelore në Prishtinë me propozim për gjykim në mungesë.
Sipas njoftimit të Prokurorisë Speciale, në rastin e parë është ngritur aktakuzë ndaj personave me inicialet J.J. dhe A.S., të cilët dyshohen për përfshirje në kryerjen e krimeve të luftës kundër popullsisë civile gjatë periudhës së luftës në Kosovë.
Prokuroria ka bërë të ditur se aktakuzat janë dorëzuar në gjykatë për procedim të mëtejshëm, ndërsa detaje shtesë për rastet pritet të bëhen të ditura në vijim.
Ndërsa, në rastin e dytë është ngritur aktakuzë ndaj katër të pandehurave: L.S., D.L., S.A., B.S.
Të pandehurat akuzohen se në cilësinë e gardianeve të Burgut të Prishtinës – paralelja për gra në Lipjan, gjatë periudhës së luftës 1998-1999, në bashkëkryerje me tashmë të akuzuarën N.C., i kanë keqtrajtuar në mënyrë sistematike të burgosurat shqiptare, duke i torturuar në mënyrë çnjerëzore dhe duke u shkaktuar lëndime trupore e dhunë psikike.
Policia serbe arreston shtetasin e Kosovës duke kaluar kufirin, e akuzon për krime lufte 
Kosova dhe Shqipëria nënshkruajnë marrëveshje për lehtësimin e punësimit mes dy vendeve 
Kurti: Siguria ushqimore është jetike për shëndetin e qytetarëve 
Hapet për qarkullim kyçja në Mazgit, përfundojnë punimet e asfaltimit 
Konjufca uron Irlandën për marrjen e Presidencës së BE-së: Përkushtimi i saj për zgjerimin ka rëndësi për rrugën europiane të Kosovës 
Një qytetar pretendon se policia serbe e dënoi me 600€ në kufi për fotot me emblemën e UÇK-së