Prishtinë, 2 korrik 2026 11:48
Gjatë ngjarjes së organizuar u potencua që parashikimi i popullsisë ndihmon të kuptohet se si do të ndryshojë popullsia në vitet në vijim, ndërkaq profili i komunave pasqyron zhvillimin e secilës komunë përmes krahasimit të dhënave të viteve 2011 dhe 2024.
Agon Batusha, zëvendësministër i MAPL-së, theksoi se statistikat që ka publikuar ASK sot do t’i shërbejnë institucioneve lokale tejet shumë. Ai tha se nëpërmjet këtyre dy publikimeve do t’u lehtësohet puna e kryetarëve të komunave dhe vendimmarrësve në nivelin lokal, që të japin shërbime dhe të planifikojnë shërbime më të mira për qytetarët e Kosovës.
“Agjencia e Statistikave të Kosovës, në raportin për vendin të Bashkimit Evropian për Kosovën, gjithmonë ka nota pozitive dhe i plotëson standardet teknike që i kërkon Bashkimi Evropian. Prandaj, puna e ASK-së është në përputhje edhe me standardet e Bashkimit Evropian dhe na afron më shumë me Bashkimin Evropian në këtë fushë, por gjithsesi edhe ajo që është alfa dhe omega është që na lehtëson punën e secilit vendimmarrës në hartimin e politikave tona”, tha ai.
Eksperti ndërkombëtar, Eduardo Jongstra ka folur për specifikat e përgatitjes së këtyre statistikave.
“Këto profile janë mjaft kredibile, sidomos duke marrë parasysh ndryshimet politike e ekonomike të cilat kanë ndodhur në mes të 2011 dhe 2014”, tha ai.
ASK për këto dy publikime ka realizuar 56 raporte me bazë regjistrimin e popullsisë, ekonomive familjare dhe banesave 2024.
Nga nesër hyn në fuqi Marrëveshja e Tregtisë së Lirë me EFTA-n 
Qeveria rialokon 102 milionë euro për pagën e 13-të dhe shtesën 0.5 për përvojë pune 
Aktakuzë ndaj një serbi për krime lufte në Kaçanik 
Kurti: Aktgjykimi ndaj ish-krerëve të UÇK-së është i padrejtë, do të bëjmë gjithçka për korrigjimin e tij 
Protesta “Jo në emrin tim!” hyn në ditën e 15-të 
Thaçi, Veseli, Krasniqi e Selimi shpallen “Qytetarë Nderi” të Tiranës 
Dy OJQ me një drejtor përfitojnë nga buxheti i Graçanicës, ngrihen dyshime për konflikt interesi (Dokument) 
Zana Bllaca bëhet pingpongistja e parë kosovare e ftuar në turneun evropian 
Qeveria miraton marrëveshjet me BE-në, Kosova pritet të përfitojë rreth 300 milionë euro