Mitrovicë, 24 qershor 2026 14:14
Katër persona të nacionalitetit serb janë shoqëruar sot në Polici, për të dhënë deklaratë, lidhur me një mural në rrugën “Kral Petar”, për të paraqitur figurat e Patriarkut Pavle dhe Mitropolitit Amfilohije.
VeritasInfo merr vesh se personat e shoqëruar nga Policia e Kosovës, kanë qenë të angazhuar nga Komuna e Mitrovicës së Veriut, për të realizuar një vepër të tillë, e cila sipas Policisë së Kosovës, është e ndaluar nesë paraprakisht nuk ka leje nga Ministria e Administrimit të Pushtetit Lokal.
Raportohet se ata kishin nisur punimet duke testuar ngjyrën në mur, kur janë ndaluar nga policia.
I kontaktuar nga VeritasInfo, përkitazi me rastin, zëvendëskomandanti i Policisë së Kosovës për rajonin e veriut, Veton Elshani, ka deklaruar se katër persona janë shoqëruar në stacion policor.
“Katër persona janë shoqëruar në stacion policor. Njërit prej tyre i është shqiptuar gjobë për vandalizëm, ndërsa të tjerët janë liruar pas procedurave policore”, ka thënë Elshani, duke theksuar se nuk do të lejohet të ketë murale të çfardo lloji pa pasur paraprakisht leje nga MAPL.
Mitrovica nis instalimin e kamerave të sigurisë, synon mbulimin e të gjithë qytetit deri në fund të vitit 
Ura si tryezë: “Darka pa kufij” në Mitrovicën e Veriut bashkoi komunitete të ndryshme 
Podujeva kremton Ditën e Çlirimit, por me kujtimin e 431 viktimave të luftës 
Komuna e Mitrovicës vazhdon aksionin ndaj ndërtimeve që nuk respektojnë lejet ndërtimore 
Komuna e Obiliqit do t’ua paguajë qytetarëve obligimet për mbeturina 
Shpallet gjendje emergjente në sektorin e mbeturinave në Fushë Kosovë 
Mural në Mitrovicën e Veriut: Personat e angazhuar nga Komuna përfundojnë në Polici 
Shefi i EULEX-it: Angazhimi i shteteve evropiane për Kosovën mbetet i palëkundur 
“Dalja n’dritë” me minatorët që shkundën themelet e ish-Jugosllavisë