Mitrovicë e Veriut, 26 korrik 2025
Policia e Kosovës ka arrestuar të shtunën një 42-vjeçar në Mitrovicën e Veriut, i dyshuar për veprën penale “zjarrvënie”.
Ngjarja ka ndodhur më 26 korrik, rreth orës 15:55, në lagjen “Kodra e Minatorëve”, ku një zjarr rrezikoi disa shtëpi dhe automjete.
“Falë reagimit të shpejtë të njësive policore dhe zjarrfikësve, zjarri u lokalizua dhe u shua pa shkaktuar dëme të mëdha,” ka bërë të ditur Policia.
Gjatë hetimeve, autoritetet kanë siguruar një video ku shihet i dyshuari duke i vënë qëllimisht zjarr barishtes. Ai është identifikuar si Z.M., 42 vjeç, dhe është arrestuar në shtëpinë e tij. Me urdhër të prokurorit të shtetit, i dyshuari është ndaluar për 48 orë dhe do të hetohet për veprën penale “zjarrvënie”.
Policia u ka bërë thirrje qytetarëve të shmangin ndezjen e zjarreve në hapësira të hapura, veçanërisht gjatë muajve të verës, duke paralajmëruar se veprime të tilla rrezikojnë jetën, pronën dhe ambientin. Qytetarët inkurajohen të raportojnë menjëherë raste të ngjashme në numrin emergjent 192.
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme 
Joseph: Serbia, Rusia dhe Kina do të përpiqen ta izolojnë edhe më shumë Kosovën 
Nga mediat ruse te portalet serbe në Kosovë – si përhapet lufta hibride?