Prishtinë, 8 qershor 2026 18:09
Zëdhënësi i Komisionit Qendror të Zgjedhjeve, Valmir Elezi, përmes një konference për media ka bërë të ditur se çfarë procesi e pret komisionin në ditët në vijim.
Pas numërimit të rezultateve preliminare, Elezi deklaroi se ka filluar numërimi i votave për kandidatët për deputetë, duke pasuar me verifikimin e rezultateve të subjekteve politike pas numërimit të fletëvotimeve në 38 qendra komunale të numërimit.
Në këtë proces do të angazhohen mbi 2200 anëtarë të KQZ-së.
“Sipas planifikimeve, verifikimi dhe numërimi paraditen e së hënës ka filluar në Qendrat Komunale të Numërimit të 15 komunave. Ndërkaq, pasdite aktivitetet do të fillojnë në Qendrat Komunale të 23 komunave të tjera”, u shpreh Elezi para mediave.
Zëdhënësi i KQZ-së po ashtu bëri të ditur se si do të shkojë procesi i numërimit të votave të diasporës.
Ai shtoi se certifikimi i rezultateve përfundimtare zgjedhore pritet të bëhet deri më datën 6 korrik.
“Por kjo varet nga ecuria e procesit, ndërsa këto janë vetëm planifikime”, u shpreh Elezi
Certifikohen rezultatet e zgjedhjeve, nis afati për formim të institucioneve 
KQZ-ja certifikon sot rezultatet përfundimtare 
Hapet rruga për certifikim të rezultateve të zgjedhjeve, KQZ-ja mblidhet të mërkurën 
Certifikimi i rezultateve: KQZ pret vendimet e Supremes 
Sot i hapet rruga KQZ-së për certifikimin e rezultateve, nëse s’ka ankesa 
KQZ shpall rezultatet përfundimtare të zgjedhjeve të 7 qershorit 
Të shtëna me armë zjarri në Lipjan, plagoset një person pas një mosmarrëveshjeje 
Policia mohon arrestimin e shtetasit turk: U paraqit si ankues, pas intervistimit u lirua 
Shkarkohet nga detyra kryeprokurori i Gjykatës Ndërkombëtare Penale 
Policia: Krimet e luftës të raportohen vetëm te Drejtoria për Hetim