Prishtinë, 24 maj 2026 08:58
Shtetet e Bashkuara janë pranë një marrëveshjeje paraprake me Teheranin në përpjekjet për t`i dhënë fund luftës me Iranin dhe për të rihapur Ngushticën e Hormuzit, tha të shtunën Presidenti i SHBA-së Donald Trump.
Marrëveshja është “kryesisht” e negociuar, shkroi Trump në platformën e tij Truth Social. “Aspektet dhe detajet përfundimtare të marrëveshjes po diskutohen aktualisht dhe do të shpallen së shpejti”, shtoi ai.
Megjithatë, një zëdhënës ushtarak iranian theksoi në Xu se Teherani do të vazhdojë të kontrollojë Ngushticën e Hormuzit edhe në rast të një marrëveshjeje me Shtetet e Bashkuara.
Ngushtica, e cila është thelbësore për tregtinë globale të naftës dhe gazit, do të mbetet “nën kontrollin dhe sovranitetin e plotë iranian”, tha zëdhënësi.
Agjencia e lajmeve Fars e Iranit raportoi se Irani kishte rënë dakord të rriste numrin e anijeve që kalojnë nëpër ngushticë në nivelet e para luftës. Megjithatë, kjo nuk do të thotë një kthim në “kalimin e lirë” si para luftës, tha ajo.
Menaxhimi i ngushticës dhe lëshimi i lejeve do të kryheshin ende nga Republika Islamike e Iranit, raportoi Fars. Prandaj, pretendimi i Trump është “i paplotë dhe nuk pasqyron realitetin”, tha agjencia.
Izraeli dhe Turqia përplasen gjithnjë e më shumë, Siria kthehet në pikën më të nxehtë 
Trump kërkon sqarime nga dy këshilltarët e tij, dyshohet se punuan për autoritetet e Republikës Serbe 
Kallas: Rusia po rrezikon jetët në Evropë me sulmet hibride 
Alarm për sulme nga ajri edhe në Moldavi e Lituani 
Protesta masive në Francë: Nxënësit bllokojnë shkollat, policia arreston dhjetëra protestues 
BE-ja planifikon mekanizëm të ri për reagim ndaj kërcënimeve hibride 
Vëlla e motër, viktimat e krimit të sotëm në Gjilan 
Shiroka Pula dhe Jashari diskutojnë për sigurinë në Kosovë 
Dy të vrarë dhe një i plagosur në Livoç të Ulët, i dyshuari dorëzohet në Polici 
Akuzat për spiunazh, Prokuroria: Shabani dhe Qerimi bashkëpunuan me BIA-n