Prishtinë 22 Maj 2026 11:50
Në një institucion shëndetësor publik është realizuar për herë të parë me sukses nefrektomia laparoskopike, një intervenim i rrallë dhe minimalisht invaziv, që konsiderohet hap i rëndësishëm drejt avancimit të kirurgjisë moderne.
Sipas njoftimit të spitalit, ndërhyrja është kryer nga urologu Dr. Shkëlzen Elezaj, ndërsa në realizimin e saj kanë marrë pjesë edhe ekipet e repartit të Urologjisë, Anestezionit dhe Kujdesit Intensiv.
“Për herë të parë në një institucion shëndetësor publik është realizuar me sukses nefrektomia laparoskopike, duke shënuar një hap të rëndësishëm drejt avancimit të kirurgjisë moderne dhe procedurave minimalisht invazive”, thuhet në njoftim.
Spitali ka shprehur mirënjohje për stafin e përfshirë në këtë procedurë, duke veçuar edhe kontributin e Dr. Naim Loxhës dhe Dr. Liridon Elezajt.
“Falënderim i veçantë për Dr. Naim Loxha si dhe për Dr. Liridon Elezaj për mbështetjen dhe bashkëpunimin profesional”, thuhet më tej.
Nga spitali theksohet se ky sukses është dëshmi e rritjes së kapaciteteve profesionale dhe e zhvillimit të shërbimeve shëndetësore, duke nënvizuar se “me punë, dije dhe përkushtim, shëndetësia jonë vazhdon të ecë përpara”.
Jagxhiu: E-Kosova 2.0 do të sjellë 400 shërbime të reja dhe funksione me inteligjencë artificiale 
Kurti shpreh mirënjohje për ushtarët amerikanë në Ditën Përkujtimore 
Hyn në fuqi ligji i ri për shtetësinë në Kosovë – procedura më të shpejta dhe aplikim online 
Përurohet projekti për efiçiencë të energjisë në banesën sociale në Istog 
Rrustem Thaqi zgjidhet kryesues i ri i Këshillit Gjyqësor të Kosovës 
Albulena Haxhiu takon ambasadorin britanik, diskutojnë për zgjedhjet e parakohshme 
Kuvendi komunal i Mitrovicës së Veriut kërkon heqjen e simbolit “Unë e dua Mitrovicën” 
Raporti i SHBA-së për Ballkanin: Kosova në fokus të partneritetit dhe sigurisë