Në Burgun e Dubravës mbahet përkujtimi për 27-vjetorin e masakrës

Prishtinë 21 Maj 2026 11’07

Të premten, më 22 maj 2026, në Burgun e Dubravës do të mbahen homazhe përkujtimore në nderim të viktimave, të plagosurve dhe të mbijetuarve të masakrës së Dubravës, në 27-vjetorin e kësaj ngjarjeje tragjike, raporton GazetaBlic.

Aktiviteti fillon nga ora 11:00, ndërsa organizatorët kanë ftuar ish-të burgosurit, familjarët e viktimave, të mbijetuarit dhe qytetarët që të marrin pjesë.

E PLOTË:

NJOFTIM PËR MEDIA

Më 22 maj 2026 (e premte), me fillim nga ora 11:00, do të mbahen homazhe përkujtimore në Burgun e Dubravës, në nderim të të vrarëve, të plagosurve dhe të mbijetuarve të masakrës së Dubravës, e cila ka ndodhur 27 vjet më parë, gjatë periudhës 19-24 maj 1999.

Me këtë rast, ftohen të gjithë ish-të burgosurit, familjarët e viktimave, të mbijetuarit e masakrës, si dhe qytetarët e interesuar që të marrin pjesë në këtë aktivitet përkujtimor.

Hyrja në hapësirat e Burgut të Dubravës do të fillojë nga ora 11:00.

Po ashtu, ftohen edhe përfaqësuesit e mediave që ta përcjellin këtë ngjarje përkujtimore, kushtuar 27-vjetorit të masakrës ndaj të burgosurve shqiptarë nga shteti i Serbisë.