Prishtinë, 13 maj 2026 19:01
Vedat Muriqi vazhdon të shkëlqejë në elitën e futbollit spanjoll. Sulmuesi kosovar është përfshirë në formacionin më të mirë të sezonit në La Liga, duke konfirmuar edhe një herë sezonin fantastik që po zhvillon me fanellën e Mallorca.
La Liga publikoi këtë të mërkurë ekipin ideal të sezonit, ku Muriqi zuri vendin e sulmuesit qendror pas paraqitjeve mbresëlënëse gjatë gjithë kampionatit. Ylli dardan ka realizuar 22 gola këtë sezon, vetëm dy më pak se golashënuesi më i mirë i kampionatit, Kylian Mbappe i Real Madrid.
Përfshirja e Muriqit në mesin e emrave më të mëdhenj të futbollit spanjoll konsiderohet një arritje e jashtëzakonshme, sidomos duke marrë parasysh konkurrencën e fortë në La Liga. Sulmuesi i Kosovës ka qenë lider absolut te Mallorca, duke udhëhequr ekipin me gola dhe paraqitje vendimtare në shumë ndeshje gjatë sezonit.
Në formacionin e sezonit janë përfshirë edhe emra të mëdhenj si Lamine Yamal, Pedri, Federico Valverde dhe Aurelien Tchouameni, gjë që e bën edhe më të veçantë praninë e reprezentuesit kosovar në këtë listë elitare.
Falë formës së tij të jashtëzakonshme, Muriqi vazhdon të jetë një nga futbollistët më të rëndësishëm të Kosovës në arenën ndërkombëtare dhe një prej sulmuesve më të respektuar në kampionatin spanjoll
Kosova sfidon Italinë në duelin e parë të Lojërave Mesdhetare 
Një dekadë nga medalja që shkroi historinë e Kosovës 
Rusët e Spartakut të Moskës nuk e duan shqipatrin Mirlind Daku në ekipin e tyre 
Asllani drejt Premier Ligës, kërkohet nga Hull City 
Kosova rrëmben 9 medalje në Kampionatin Ballkanik të Xhudos 
Kosova shkëlqen në Sarajevë, fiton gjashtë medalje 
Nga pasivizimi i adresave te përjashtimi nga drejtësia: shqiptarët e Luginës jashtë sistemit 
DokuFest, dëshmi e zhvillimit kulturor dhe artistik të Kosovës 
Narrativa serbe për Kosovën gërshetohet me propagandën ruse