Drita kampione e Kosovës, mund Ballkanin, fiton edhe Drenica

Prishtinë, 09 maj 2026 19:54

Kanë përfunduar dy ndeshjet e radhës në Superligën e Kosovës në futboll.

Drita edhe matematikisht është kampione e Kosovës, pasi sot mundi rivali, Ballkanin, me rezultat 2-0, ndeshje e luajtur në Gjilan, në kuadër të xhiros së 33-të.

Skuadra e Dritës bëri paraqitje më të mirë në duel me Ballkanin, duke krijuar më shumë raste dhe duke e dërguar dy herë topin në rrjetën kundërshtare.

Besnik Krasniqi (24’), zhbllokojë ndeshjen duke kaluar Dritën në epërsi prej 1-0, derisa suharekasve goditjen e dytë ua dha Dante (87’).

Përfundimisht mbron titullin e kamponit me 66 pikë të tubuara, duke e prekur për herë të pestë titullin e kampionit në historinë e tyre.

Skuadra gjilanas do ta përfaqësojë Kosovën sërish në kualifikueset në Ligën e Kampionëve. Ndërkaq, Ballkani është në garë me Malishevën për pozitën e dytë.

Ndërkohë, fitore tejet të rëndësishme ka shënuar edhe Drenica në garën për mbijetesë, duke mposhtur Gjilanin me rezultat 2-1.

Skuadra nga Skenderaj zhvilloi një paraqitje të mirë para tifozëve të saj, duke hedhur një hap të madh drejt sigurimit të mbetjes në elitën e futbollit kosovar edhe për sezonin e ardhshëm.

Drenica kaloi në epërsi në minutën e 30-të me anë të Kreshnik Uka, i cili realizoi një gol mjaft të bukur për 1-0. Vetëm shtatë minuta më vonë, vendasit dyfishuan avantazhin përmes Enaid Kodra, që konkretizoi dominimin e ekipit të tij në pjesën e parë.

Në fraksionin e dytë, Gjilani tentoi të rikthehej në lojë dhe arriti të ngushtojë rezultatin në minutën e 52-të me golin e Blerind Morina, por kjo nuk mjaftoi për të shmangur humbjen.

Pas kësaj fitoreje, Drenica ngjitet në vendin e gjashtë me 44 pikë, ndërsa Gjilani mbetet në pozitën e pestë me 45 pikë.