Prishtinë, 7 maj 2026 13:26
Ministri i Shëndetësisë, Arben Vitia, ka njoftuar se të enjten ka nënshkruar Udhëzimin Administrativ për Kujdesin Parësor Shëndetësor, i cili rregullon ndërhyrjen në fëmijërinë e hershme si pjesë e shërbimeve në këtë nivel të kujdesit shëndetësor.
Në një postim në Facebook, Vitia ka thënë se ky ndryshim krijon bazën për mbështetje të hershme për foshnjat dhe fëmijët me rrezik për vonesa në zhvillim, përmes ekipeve profesionale multidisiplinare.
Sipas tij, ekipet do të përfshijnë psikologë klinikë, fizioterapeutë, logopedë dhe punëtorë socialë, duke mundësuar një qasje më gjithëpërfshirëse në trajtimin dhe mbështetjen e fëmijëve.
“Për herë të parë, me ekipe multidisiplinare për ndërhyrje në fëmijërinë e hershme. Sot kam nënshkruar Udhëzimin Administrativ për Kujdesin Parësor Shëndetësor, i cili rregullon ndërhyrjen në fëmijërinë e hershme si pjesë të shërbimeve në kujdesin parësor. Ky ndryshim krijon bazën për mbështetje të hershme për foshnjat dhe fëmijët me rrezik për vonesa në zhvillim, përmes ekipeve profesionale multidisiplinare me psikologë klinikë, fizioterapeutë, logopedë dhe punëtorë socialë. Po e afrojmë mbështetjen profesionale më pranë fëmijëve dhe familjeve”, ka shkruar ai.
Kurti njofton për investime afër 450 mijë euro në Kalanë e Prizrenit 
Përurohen tri ndërtesa sociale me efiçiencë në Prizren për 51 familje 
Prishtina shndërrohet në qendrën gjigante të biznesit shqiptar global 
Regjistrimi i votuesve jashtë Kosovës: Mbi 61 mijë aplikime të aprovuara 
45-vjetori i rënies së Nebih dhe Tahir Mehës 
27 vjet nga barbaria serbe ndaj shqiptarëve në Korishë 
Kamberi dhe dy deputetë të tjerë paraqesin rezolutë për dënimin e krimeve të kryera në Kosovë 
Muriqi në formacionin e sezonit në La Liga 
Bajrami: Dialogu me Serbinë të përmbyllet sa më shpejt dhe me njohje reciproke