Kurti prenë shiritin e rrugës Kijevë-Malishevë

Prishtinë 7 Maj 2026 9:23

Kryeministri në detyrë, Albin Kurti ka prerë shiritin e punimeve në rrugën Kijevë-Malishevë.

Kurti ka thënë se kjo rrugë nga paslufta veç është arnuar, ndërsa tani sipas tij do të punohet seriozisht në të.

“Janë bërë shumë përpjekje për të na ndalë e ndaluar, por ne nuk i ndalim punët e mira. Me rindërtimin e kësaj rruge po e bëjmë një punë të rëndësishme për banorët e kësaj ane. Kjo rruga ka gjatësi mbi 11 kilometra. Projekti përfshinë rindërtimin nga baza e deri tek asfaltimi final. Nga paslufta ka patur vetëm arnime të kësaj rruge. Operatori ekonomik na ka thënë se janë 225 ditë pune. Rruga do të ketë edhe trotuar dhe stacione të autobusëve”, ka thënë Kurti.