Aktakuzë për krime lufte ndaj tetë personave për ngjarjet në Gjakovë

Prishtinë, 6 maj 2026 10:55

Prokuroria Speciale e Republikës së Kosovës ka ngritur aktakuzë ndaj tetë personave të dyshuar për përfshirje në krime lufte kundër popullsisë civile gjatë konfliktit në Kosovë.

Sipas njoftimit zyrtar, të pandehurit me inicialet M.K., V.M., D.R., Z.D., C.B., M.I., S.S. dhe S.K. akuzohen se në periudhën nga 24 mars deri më 31 mars 1999, në qytetin e Gjakovës, kanë marrë pjesë në një operacion të gjerë të zhvilluar në koordinim me struktura policore, ushtarake dhe paramilitare, përcjell Veritasinfo.

Aktakuza pretendon se gjatë këtij operacioni janë kryer një sërë veprash të rënda penale, përfshirë vrasje të civilëve, dëbim të popullsisë, si dhe shkatërrim dhe plaçkitje të pronës.

Prokuroria Speciale nuk ka dhënë detaje shtesë mbi identitetin e plotë të të pandehurve, ndërsa rasti pritet të trajtohet në gjykatat kompetente në ditët në vijim.