Prokuroria në Pejë tryezë kundër dhunës në familje

Prishtinë 30 Prill 2026. 14:04

Prokuroria Themelore në Pejë ka mbajtur një takim të përbashkët me përfaqësues të institucioneve vendore dhe ndërkombëtare, lidhur me trajtimin e rasteve të dhunës në familje.

Takimi u udhëhoq nga kryeprokurorja e Prokurorisë Themelore në Pejë, Lumturije Vucetaj, së bashku me koordinatoren për rastet e veprave penale të “Dhunës në familje”, zëvendës-kryeprokuroren Arlinda Nallbani-Gacaferri.

Në këtë takim morën pjesë përfaqësues të Gjykatës Themelore në Pejë, Policisë së Kosovës, Mbrojtësi i viktimave, Qendrave për Punë Sociale, Strehimores, Spitalit Rajonal të Pejës, ekspert psikolog si dhe përfaqësues të misioneve ndërkombëtare EULEX dhe OSCE në Kosovë.

Gjatë takimit u diskutua për trajtimin e rasteve të dhunës në familje, identifikimin dhe evitimin e mangësive ekzistuese, si dhe për forcimin e hallkave të bashkëpunimit institucional me qëllim rritjen e efektivitetit dhe efikasitetit në trajtimin e këtyre rasteve.

Po ashtu, u shqyrtuan propozime për shqiptimin e dënimeve plotësuese për rastet e dhunës në familje, në përputhje me ndryshimet e fundit në Kodin Penal të Republikës së Kosovës.

Prokuroria Themelore në Pejë, në bashkëpunim me të gjitha institucionet relevante, mbetet e përkushtuar në rritjen e bashkëpunimit dhe bashkërendimit ndërinstitucional për parandalimin e rasteve të dhunës në familje, ofrimin e mbrojtjes dhe kujdesit për viktimat, si dhe vënien para drejtësisë të të gjithë atyre që ushtrojnë dhunë.

Kryetari i PDK-së Bedri Hamza, ka bërë homazhe sot në Prekaz në nderim të heroit Ilaz Kodra.

Hamza tha se Kodra dhe bashkë luftëtarët e tij ishin njerëz të mëdhenj që nuk e kursyen as jetën për liri dhe për atdhe.

“Me bashkëpunëtorë jam këtu për të shprehur respektin, falënderimin deri në përulje për heroin e kombit Ilaz Kodra, me bashkëluftëtarët e tij, me dëshmorët që e dhanë jetën që dhanë jetën për liri që na sot e gëzojmë. Mirënjohës përjetë”, deklaroi kreu i PDK-së.

“Kanë qenë njerëz të mëdhenj dhe njerëzit e mëdhenj, për lirinë dhe për atdheun nuk e kursejnë as jetën. Respekt dhe falënderim i përjetshëm për heroin e kombit Ilaz Kodra dhe bashkëluftëtarët e tij”, u shpreh ai