Kurti: Serbia ta tregojë të vërtetën për varrezat masive dhe fatin e të zhdukurve gjatë luftës

Prishtinë, 27 prill 2026 12:29

27 Prilli shënohet si Dita Kombëtare e të Zhdukurve gjatë Luftës në Kosovë.

Kryeministri i Kosovës, Albin Kurti, ka bërë homazhe bashkë mr Ferdonije Qerkezi pranë monumentit që u është dedikuar personave të zhdukur me dhunë gjatë luftës.

Ai ka thënë se institucionet po angazhohen në vazhdimësi për zbardhjen e fatit të personave të pagjetur.

“Bëjmë nderime për të gjithë të zhdukurit, me ç’rast edhe 1565 persona vazhdojnë të jenë të pagjetur. Komisioni qeveritar për personat e zhdukur, Instituti i Mjekësisë Ligjore, Policia e Kosovës dhe të gjitha institucionet po bëjnë përpjekje maksimale për zbardhjen e fatit të të dashurve tanë, të cilët u rrëmbyen të gjallë dhe u vranë nga forcat serbe të regjimit të Millosheviqit”, deklaroi Kurti.