Prishtinë, 19 prill 2026 18:33
Kryetari i Këshillit Kombëtar Shqiptar në Luginën e Preshevës, Enkel Rexhepi, ka thënë se hapja e një konsullate të Republikës së Shqipërisë në Bujanoc është “e domosdoshme” për t’u qenë më afër shqiptarëve të Luginës.
I ftuar në emisionin “InfoMagazine” në Klan Kosova, Rexhepi e përshëndeti kërkesën e ministrit Hoxha për hapjen e konsullatës, duke theksuar se kjo nismë nuk është e re.
“Ne si Këshill Kombëtar Shqiptar e përshëndesim kërkesën e ministrit Hoxha për hapjen e konsullatës së Republikës së Shqipërisë në Luginë të Preshevës. Kjo iniciativë është e vitit 2019, kur ne si KKSH kemi kërkuar me ish-ministrin e Jashtëm të Shqipërisë që të hapim konsullatën shqiptare në Luginë”, deklaroi ai.
Sipas Rexhepit, shtytja e fundit e dhënë nga ministri Hoxha e ka rikthyer çështjen në agjendë, ndërsa ai vlerësoi se koha për hapjen e konsullatës është tani.
“Është e domosdoshme e kohës që konsullata e Republikës së Shqipërisë të hapet në Luginë të Preshevës dhe të jetë më afër qytetarëve, sepse Lugina e Preshevës është realisht e banuar me shqiptarë në këto troje”, tha Rexhepi.
Ai nuk dha afate konkrete se kur mund të ndodhë hapja e konsullatës, por theksoi se prania konsullore do të lehtësonte shërbimet dhe lidhjen institucionale me qytetarët shqiptarë në Luginë.
908 milionë euro të parapara për komunat në projektbuxhetin e vitit 2027 
Dëshmitari në gjykatë: Pantiqi dhe Zariqi ishin të përfshirë në krimet në Istog 
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Prokuroria Speciale dhe Policia e Kosovës zhvillojnë aksion në disa lokacione 
Kosova përfaqësohet në takimin evropian të rrjeteve të ansambleve muzikore në Itali 
Zbuten tensionet SHBA-Iran, çmimi i naftës bie 6.7 për qind