Prishtinë, 19 prill 2026 16:56
Kryeministri i Kosovës, Albin Kurti, ka deklaruar se krahas mohimit të krimeve gjenocidale, Serbia vazhdon të shkelë detyrimet e saj ndërkombëtare duke ua mohuar familjeve të drejtën për të vërtetën dhe drejtësinë, duke mos zbardhur fatin dhe vendndodhjen e personave të zhdukur me dhunë gjatë luftës në Kosovë.
Këto komente ai i bëri pas homazheve në Hallaq të Vogël dhe Rufc të Ri të Lipjanit, në përkujtim të 19 prillit 1999, kur, forcat e armatosura të Serbisë vranë 20 civilë të pafajshëm, të cilët u ndanë nga familjet e tyre dhe u ekzekutuan, e më pas u varrosën në një varrezë masive.
Kurti po ashtu kujtoi edhe grupin e intelektualëve të Mitrovicës, duke theksuar se 23 mjekë, profesorë dhe veprimtarë të çështjes kombëtare dhe të të drejtave të njeriut, në Dreth të Zubin Potokut, u rrëmbyen dhe u zhdukën me dhunë nga forcat e armatosura të Serbisë.
“Ne nderojmë sot e gjithmonë, çdo jetë të dhënë për lirinë e Kosovës dhe qëndrojmë pranë familjarëve, duke ruajtur kujtesën dhe duke kërkuar drejtësi”, shkroi Kurti.
Ai theksoi se sakrifica për liri mbetet udhërrëfyese për të çuar përpara Republikën e Kosovës!
“I përjetshëm qoftë kujtimi i dëshmorëve dhe martirëve të kombit! Lavdi!”, përfundoi kryeministri.
Publicisti serb Paunoviq e demaskon Vuçiçin 
Ujmani merr frymë lirshëm, natyra rikthehet pas largimit të ndërtimeve pa leje dhe zbatimit të ligjit (Video) 
Rrugët e kontrabandës nga Serbia gjithnjë e më të bllokuara, Policia e Kosovës arreston një person për kontrabandë 
Bllokohen mërgimtarët në kufirin Kroaci-Serbi, nuk iu lejohet lëvizja – kërkojnë ndërhyrjen e shtetit 
Grajqevci: Serbia po e përdor çështjen e të zhdukurve për interesa politike, ndërkombëtaret duhet të ushtrojnë më shumë presion 
Bujar Muli nga Kosova thyen Rekordin Botëror Guinness me 2.000 kilogramë mbi trup