Prishtinë 17 Prill 2026 17:37
Kuvendi i Kosovës ka miratuar dërgimin e Forcës së Sigurisë së Kosovës (FSK) jashtë vendit, si pjesë e Forcës Ndërkombëtare Stabilizuese në Gaza.
Vendimi u miratua me 89 vota për, pa asnjë votë kundër dhe asnjë abstenim, duke siguruar shumicën e nevojshme prej dy të tretave për miratimin e tij.
Deputetët e Kuvendit i dhanë kështu dritën jeshile propozimit të Qeverisë për përfshirjen e pjesëtarëve të FSK-së në këtë mision ndërkombëtar, që synon stabilizimin e situatës në Gaza.
Për të hyrë në fuqi, vendimi pritet të nënshkruhet nga ushtruesja e detyrës së presidentit, Albulena Haxhiu.
Ministri i Mbrojtjes, Ejup Maqedonci, ka theksuar se pjesëmarrja në misione të tilla ndërkombëtare forcon besimin e aleatëve ndaj Kosovës.
“Dërgimi i FSK-së në këtë mision përfshin pjesëmarrjen e personelit të FSK-së në kuadër të komandës së unifikuar të forcës ndërkombëtare stabilizuese, e cila për mision ka të mbështesë zbatimin e planit gjithëpërfshirës për t’i dhënë fund konfliktit në Gaza, gjithnjë duke u bazuar në mandatin e forcës ndërkombëtare stabilizuese.Përmes këtij angazhimi, Kosova dëshmon që është partner i besueshëm, i përgjegjshëm dhe i gatshëm të veprojë krah aleatëve në mbështetje të paqes, sigurisë, mbrojtjes ë civileve dhe mandateve ndërkombëtare”, deklaroi ai.
Pesë vjet pas aksidentit tragjik, në Slavonski Brod të Kroacisë do inaugurohet pllaka përkujtimore në nderim të viktimave nga Kosova 
Ekzistojnë dëshmi se Osman Selmani, i arrestuar nga Serbia, ishte refugjat në vitin 1999, apelohet për prova shtesë 
Policia paralajmëron masa të ashpra ndaj zjarrvënësve 
Dy javë pa gjurmë – familja e Xhafer Raçit kërkon ndihmë për gjetjen e tij 
Deklarata skandaloze e ministres serbe, sot dorëzohet kallëzim penal në Speciale, do të kërkohet urdhërarrest ndërkombëtar 
Parandalohet mashtrimi me 21 prona në Mitrovicë, tre persona të arrestuar 
Haxhiu: Seanca konstituive pritet të mbahet në fillim të gushtit 
Kush është Jovana Radosavljeviq: Nga menaxhimi i fondeve për dialog dhe integrim deri tek strukturat paralele të Beogradit 
Kontrolle në Burgun e Dubravës: Konfiskohet drogë, 9 telefona mobil dhe SIM-kartela