Prishtinë, 16 prill 2026 19:54
Gjykata Themelore në Prishtinë ka caktuar një muaj paraburgim ndaj Dejan Peleviq, i arrestuar në fshatin Soqanic të Leposaviqit dhe i dyshuar për krime lufte në Skenderaj.
Zëdhënësja e Gjykatës Themelore në Prishtinë, Mirlinda Gashi, ka konfirmuar për “Betimi për Drejtësi” se ndaj të dyshuarit është caktuar masa e paraburgimit prej një muaji.
Peleviq është sjellë para gjykatës për seancën dëgjimore lidhur me caktimin e masës së paraburgimit, ku edhe është vendosur që ai të mbahet në paraburgim për një muaj.
Ai dyshohet se, në cilësinë e pjesëtarit të MUP-it të Serbisë gjatë luftës në Kosovë, në mars të vitit 1999 në Skenderaj, në bashkëkryerje me pjesëtarë të tjerë të organizuar si grup, ka marrë pjesë në operacione policore-ushtarake, ku janë kryer dëbime me dhunë të civilëve, si dhe janë raportuar rrahje, torturime, plagosje, vrasje të 15 civilëve shqiptarë dhe zhdukje të 16 të tjerëve në dy lokacione në Skenderaj.
Pas rihapjes së rastit ndaj Ekrem Bajroviq, i akuzuar për krime lufte – dëshmitari i masakrës në Staradran: E pashë me sytë e mi 
Nënshkruhet marrëveshja për zhvillimin e ujitjes në Zasellë 
Në Uashington diskutohet njohja e Kosovës nga Greqia, AARC zhvillon takim me kongresisten Malliotakis 
Aktakuzë ndaj pesë personave për krime lufte në Fushë-Kosovë 
Prokuroria në Hagë: Ambiciet e të akuzuarve tejkalonin qëllimin për çlirimin e Kosovës 
Kurti e Maqedonci u bëjnë thirrje të rinjve të aplikojnë për kadetë në FSK 
Çështja e përdorimit të gjuhës shqipe në Maqedoninë e Veriut, Fetai jep dorëheqje nga posti i zëvendëskryeministrit 
CNN: Irani po kërcënon një tjetër ngushticë jetike që mund t’i trazojë edhe më tej tregun e naftës