Prishtinë, 18 Korrik 2025
Policia e Kosovës ka rritur ndjeshëm përpjekjet në fushën e bashkëpunimit ndërkombëtar, në kuadër të luftës kundër kriminalitetit ndërkufitar.
Përmes Drejtorisë për Bashkëpunim Ndërkombëtar Policor (DBNP–ILECU), janë realizuar mijëra shkëmbime të të dhënave me agjenci ndërkombëtare të sigurisë.
Sipas një njoftimi zyrtar, vetëm gjatë gjashtëmujorit të parë të këtij viti janë shkëmbyer gjithsej 10,835 informacione ndërkombëtare përmes kanaleve zyrtare të komunikimit, përfshirë INTERPOL-in, EUROPOL-in, ndërlidhësit policorë, ambasadat dhe partnerët ndërkombëtarë në fushën e sigurisë.
Ky shkëmbim informacioni ka ndihmuar në koordinimin efektiv të operacioneve dhe hetimeve, ndërsa rezultatet janë konkrete: 13 persona të kërkuar ndërkombëtarisht për vepra të rënda penale janë arrestuar nëpërmjet bashkëpunimit me INTERPOL-in dhe EUROPOL-in.
“Policia e Kosovës konsideron se këto rezultate janë dëshmi e qartë e angazhimit të saj në zbatimin e ligjit dhe kontributit për sigurinë globale. Po ashtu, bashkëpunimi me organizata si INTERPOL-i dhe EUROPOL-i forcon më tej integrimin e Kosovës në rrjetin ndërkombëtar të sigurisë, duke e pozicionuar atë si një partner të besueshëm në luftën kundër krimit ndërkombëtar”, thuhet në njoftimin e Policisë.
Kurti: Eksporti është rritur për 27.5 për qind krahasuar me vitin 2021 
Mbi 2 mijë të mbijetuar me status zyrtar, drejtësia mbetet sfidë 
Emrat e të dyshuarve: Serbë që dyshohet se morën pjesë në krime lufte 
Dy serbë nga Mali i Zi që luftojnë për Rusinë kërcënojnë kryeministrin Kurti 
Kurti: Aktgjykimi ndaj ish-krerëve të UÇK-së duhet të korrigjohet sa më parë 
Aktivistët në Serbi po i heqin grafitet “Kur ushtria të kthehet në Kosovë” 
Lista Studentore distancohet nga Lista Serbe, reagon Von Cramon 
Sekuestrohen armë zjarri në Zubin Potok, arrestohen dy persona 
Rusia e zhvendos luftën përtej frontit, sa e përgatitur është Kosova për kërcënimet hibride? 
Dyshohet për vrasje të rëndë në Gjilan, arrestohet 65-vjeçari