Gjilan, 18 Korrik 2025
Policia kufitare e Njësisë në Muqivërcë, në kuadër të Drejtorisë Rajonale për Kufirin – Lindje, ka parandaluar një rast kontrabande me mallra nga Serbia në territorin e Republikës së Kosovës.
Rasti ka ndodhur rreth orës 13:25 në fshatin Novosellë të Kaçanikut, kur një automjet me targa të Serbisë, sapo kishte hyrë nga territori i Serbisë në Kosovë, është ndaluar për kontroll nga patrulla kufitare. Gjatë kontrollit në bagazhin e automjetit janë gjetur barna të llojeve të ndryshme, të dyshuara si mallra të kontrabanduara.
Prokurorja kujdestare nga Prokuroria Themelore në Gjilan është informuar për rastin dhe ka urdhëruar që ngjarja të trajtohet si vepër penale “Kontrabandë me mallra”. Barna e dyshuara janë sekuestruar përkohësisht dhe janë dorëzuar për ruajtje në Doganën e Kosovës, ndërsa personi i dyshuar dhe automjeti janë liruar në procedurë të rregullt.
Policia e Kosovës thekson se do të vazhdojë angazhimin e saj në parandalimin dhe luftimin e të gjitha veprimtarive të paligjshme përgjatë kufirit.
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme 
Video-lajm: Protuestuesit revoltohen para ndërtesës së EULEX-it 
Rama reagon pas vendimit në Hagë: `MARRE` 
Vdes 21-vjeçarja, e cila u godit nga vetura në Vlashnje të Prizrenit 
Kandiqi i reagon Daçiqit: Politika jote rezultoi me varreza masive t`shqiptarëve