Gërvalla njofton hapjen e 5 projektligjeve për konsultim publik

Prishtinë 04 Prill 2026. 10:18

Pesë projektligje kyçe në kuadër të reformës në drejtësi janë të hapura për konsultim publik. Ministrja e Drejtësisë, Donika Gërvalla, fton profesionistët, studiuesit, gjyqtarët, prokurorët, përfaqësuesit e shoqërisë civile dhe qytetarët të dërgojnë komentet e tyre brenda 15 ditëve pune, me qëllim rritjen e llogaridhënies dhe forcimin e sistemit të drejtësisë në Kosovë.

Projektligjet mund t’i gjeni në linket e mëposhtme:

Projektligji për Rekrutimin, Vlerësimin e Performancës, Kontrollin e Integritetit dhe Statusin e Gjyqtarëve dhe Prokurorëve

Projektligji për Përgjegjësinë Disiplinore të Gjyqtarëve dhe Prokurorëve

Projektligji për ndryshimin e Ligjit për Akademinë e Drejtësisë

Projektligji për ndryshimin e Ligjit për Këshillin Prokurorial të Kosovës

Projektligji për ndryshimin e Ligjit për Këshillin Gjyqësor të Kosovës

Ministrja Gërvalla fton profesionistët e drejtësisë, studiuesit, profesorët, gjyqtarët, prokurorët, përfaqësuesit e shoqërisë civile dhe mediat, si dhe gjithë të interesuarit të dërgojnë komentet e tyre me shkrim brenda 15 ditëve pune.

Ajo thekson se këto ligje rrisin llogaridhënien, përmirësojnë vlerësimin dhe kontrollin e punës së profesionistëve të drejtësisë, si dhe forcojnë institucionet e sistemit të drejtësisë, përfshirë Akademinë e Drejtësisë, Këshillin Prokurorial dhe Këshillin Gjyqësor.

“Shteti ligjor, i barabartë dhe i drejtë për të gjithë, ndërtohet, forcohet dhe mbrohet nga të gjithë ne së bashku”, tha ministrja Gërvalla.

Çdo koment apo propozim i pranuar brenda afatit do të trajtohet me vëmendje nga grupi punues për konsolidimin përfundimtar të projektligjeve.