Prishtinë, 03.04.2026 11:40
Prokuroria Themelore në Prishtinë ka autorizuar Policinë e Kosovës që të nisë grumbullimin e informatave lidhur me dyshimet për parregullsi në njehsorët elektrikë të kompanisë KEDS, të cilët dyshohet se nuk matin saktë energjinë e shpenzuar, thuhet në njoftimin e Prokurorisë, përcjell Veritasinfo.
Sipas njoftimit zyrtar nga Departamenti i Përgjithshëm i kësaj prokurorie, ekziston dyshimi se përmes këtyre parregullsive mund të jetë kryer vepra penale “Mashtrimi”, e paraparë me nenin 323 të Kodit Penal të Republikës së Kosovës.
Në kuadër të hetimeve, Prokurori i Shtetit ka autorizuar ndërmarrjen e të gjitha veprimeve të nevojshme hetimore, me qëllim të sigurimit të provave shtesë.
Këto veprime përfshijnë edhe trajtimin e mundshëm të përgjegjësisë së zyrtarëve të KEDS-it në këtë rast.
Prokuroria Themelore në Prishtinë ka theksuar se mbetet e përkushtuar në ushtrimin e kompetencave të saj ligjore, duke synuar garantimin e zbatimit të ligjit dhe mbrojtjen e interesit publik.
Sheholli mbante shënime edhe për infrastrukturën kritike të Kosovës, përfshirë Ujmanin 
Aktakuza e PSRK-së, si tentoi destabilizimin e Kosovës Fatmir Sheholli 
Plani për ndërhyrje në zgjedhje, zbulohen bisedat e Fatmir Shehollit me drejtorin e BIA-s 
BE-ja mbështet rrugën e Kosovës drejt Bashkimit Evropian 
Gjykata cakton më 15 shtator seancën për 53 të akuzuarit për krime lufte 
Sveçla pret në takim shefin e ri të EULEX-it, flasin për zbulimin e varrezave masive në Zubin Potok 
Kamberi kritikon Vuçiqin për gjuhën antishqiptare: “A është fyerja ndaj shqiptarëve parakusht për punësim në BIA?” 
Hapi i radhës drejt funksionalizimit të Fabrikës së Municioneve në Gjakovë