Pejë, 18 , mars 2026 20:04
Gjatë ditës së mërkurë, Shërbimi i Kërkim Shpëtimit Malor i Kosovës (ShKShMK) ka ndërhyrë për të evakuuar disa persona të bllokuar në rrugën rajonale Kullë–Rozhajë, pas reshjeve të dendura të borës që e bllokuan plotësisht segmentin kufitar mes Kosovës dhe Malit të Zi.
Mes personave të bllokuar ishte edhe një familje kosovare me tre fëmijë, e cila kishte qëndruar për disa orë në mes të stuhisë së borës.
Ekipi i ShKShMK-së nga stacioni i Pejës u nis menjëherë drejt vendit të ngjarjes me personel dhe pajisje specialistike, përfshirë edhe motosajën.
Teknikët e shpëtimit vlerësuan gjendjen shëndetësore të familjes dhe më pas e evakuuan deri në zonën e sigurt në Pikën Kufitare Kullë.
Ndihmë u ofrua edhe për persona të tjerë të bllokuar në zonë, përfshirë një shofer kamioni shtetas i Malit të Zi, i cili u dërgua dhe u dorëzua autoriteteve malazeze.
Operacioni u realizua në bashkëpunim të ngushtë me Policinë e Kosovës dhe Zjarrfikësit e Pejës, duke garantuar evakuimin e sigurt të të gjithë personave në rrezik.
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës