Specialja ia vazhdon paraburgimin Kadri Veselit

Prishtinë, 18 mars 2026 18:47

Gjykata Speciale me seli në Hagë ia ka vazhduar paraburgimin ish-kryekuvendarit, Kadri Veseli.

Kjo masë u mor përkundër që procesi gjyqësor ndaj katërshes së UÇK-së ka përfunduar.

Gjyqtarët sërish theksuan se Prokuroria po i përmend të njëjtat argumente.

“Paneli vëren se ZPS-ja po paraqet në thelb të njëjtat argumente që Paneli i ka shqyrtuar dhe hedhur poshtë tashmë në lidhje me çështjet e mëposhtme: (i) ndërgjegjësimi i Z. Veseli për seriozitetin e akuzave të konfirmuara kundër tij; (ii) potenciali i një dënimi të gjatë; (iii) provat e paraqitura kundër tij; dhe (iv) ndërgjegjësimi i Z. Veseli për ndryshimin e kushteve të paraburgimit të tij. Në këtë drejtim, Paneli kujton konstatimin e Panelit të Gjykatës së Apelit se nuk duhet të pritet që Gjyqtari i Procedurës Paraprake të shqyrtojë parashtresa që thjesht përsërisin argumente që janë trajtuar tashmë në vendimet e mëparshme të shqyrtimit”, thuhet në vendim.