Prishtinë, 17 shkurt 2026, 08:53
Presidenti i Shqipërisë, Bajram Begaj, ka uruar qytetarët me rastin e 18-vjetorit të Pavarësisë së Kosovës, duke vlerësuar rrugëtimin e shtetit të ri drejt forcimit të institucioneve dhe konsolidimit demokratik.
“Gëzuar Kosovë! Në këtë 18-vjetor, Kosova është më e fortë, me institucione demokratike të konsoliduara dhe me më shumë njohje ndërkombëtare”, ka theksuar Begaj.
Ai ka shprehur përulje dhe mirënjohje për të gjithë ata që kontribuan në çlirimin dhe lirinë e vendit, duke nderuar sakrificën e tyre ndër vite.
Presidenti shqiptar ka falënderuar gjithashtu miqtë dhe partnerët strategjikë, në veçanti SHBA-në dhe bashkësinë perëndimore, për mbështetjen e vazhdueshme ndaj sovranitetit dhe integritetit territorial të Kosovës.
Në përmbyllje, Begaj ka bërë thirrje për unitet dhe përkushtim të përbashkët në rrugën drejt integrimit evropian: “Le të ecim bashkë drejt BE-së më të bashkuar se kurrë. BASHKË, JETË E MOT!”, ka shkruar presidenti Begaj në facebook.
Gara: Serbia ende fsheh varreza masive, mbi 1,560 persona vazhdojnë të jenë të zhdukur 
Të enjten në autostrada kufizohet qarkullimi i automjeteve me mbi 20 tonë (11:00-17:30) 
Hetemi: Mbi 80% e shqiptarëve të vrarë në luftë kanë qenë civilë 
12.230 të vrarë në luftën e Kosovës, Instituti fton qytetarët të plotësojnë listën e viktimave 
Një muaj paraburgim për dy të dyshuarit për krime lufte në Zubin-Potok 
Ministria e Arsimit ndan mbi 103 mijë euro për abetaret e diasporës 
Aksidenti i rëndë në autostradën “Ibrahim Rugova”, shtatë persona të lënduar