Prishtinë, 15 shkurt 2026 15:11
Ambasada e Kosovës në Uashington ka njoftuar se shteti i Arizonas ka njohur zyrtarisht 17 shkurtin si Ditën e Pavarësisë së Kosovës.
“Faleminderit Guvernatores Katie Hobbs për njohjen zyrtare të 17 shkurtit si Ditën e Pavarësisë së Kosovës në Arizona”, thuhet në reagimin e Ambasadës së Kosovës.
Dokumenti rikujton se “më 17 shkurt 2008, Republika e Kosovës shpalli zyrtarisht pavarësinë në Prishtinë”, duke e cilësuar këtë moment si një hap historik të mbështetur në “parimet e sovranitetit dhe vetëvendosjes”.
Po ashtu, nënvizohet kontributi i komunitetit shqiptaro-amerikan, ku thuhet se shqiptaro-amerikanët vazhdojnë të formësojnë strukturën e larmishme shoqërore dhe ekonomike të Arizonës.
Në përfundim, Guvernatorja Hobbs shpalli zyrtarisht 17 shkurtin 2026 si “Dita e Pavarësisë së Kosovës në Arizona”, duke e njohur këtë datë në nivel shtetëror dhe duke riafirmuar mbështetjen për vlerat e lirisë dhe pavarësisë.
“Nga bizneset që lulëzojnë deri te arritjet profesionale, shqiptaro-amerikanët vazhdojnë të formësojnë strukturën sociale dhe ekonomike të larmishme të Arizona-s; dhe Duke marrë parasysh se Shtetet e Bashkuara, përfshirë edhe Shtetin e Arizona-s, kanë mbështetur rrugëtimin e Kosovës drejt ndërtimit të shtetit dhe paqes, dhe qytetarët e Kosovës dhe pasardhësit e tyre vazhdojnë të kontribuojnë në mënyrë domethënëse në zhvillimin kulturor dhe ekonomik të shtetit tonë. TANI, PRANDAJ, unë, Katie Hobbs, Guvernatore e Shtetit të Arizona-s, shpall këtu me këtë akt, 17 shkurt 2026, si DITËN E PAVARËSISË SË KOSOVËS NË ARIZONA”, thuhet në vendim që në fund mban nënshkrimin e guvernatores.
Refuzohen kërkesat për mbrojtje të ligjshmërisë në rastin e M.P. dhe Zh.Z. për krime lufte 
ZRRE: Do të kompensohen qytetarët e prekur nga devijimet e njehsorëve 
Komisioni për Legjislacion miraton projektligjin për “çmimet tavan” 
Ambasadori amerikan në NATO viziton Kosovën, Policia njofton se disa rrugë do të bllokohen përkohësisht 
Nafta më lirë sot në Kosovë, benzina dhe gazi mbeten njëjtë 
Paralajmërohet protestë në Jarinjë dhe bllokim i një pjese të autostradës drejt Kosovës 
Trump – letër Osmanit: Vlerëson rolin e Kosovës në përfundimin e luftërave 
Kurti takon ambasadorin amerikan në NATO, Matthew Whitaker 
Kosova e shpallë organizatë terroriste Gardën Revolucionare të Iranit, mirëpritet nga Izraeli