Ministria e Punëve të Brendshme e Kosovës shkarkon 15 nëpunës civilë serbë të cilët ishin pjesëtarë të “Rojeve të Urës” në Mitrovicë (Dokument)

Prishtinë, 11 shkurt 2026 14:25

Ministria e Punëve të Brendshme (MPB) ka shkarkuar 15 ish-roje serbë të urës në Mitrovicë, të cilët për 10 vjet kanë marrë paga nga buxheti i Kosovës.

Pavarësisht se janë paguar, ata kanë vepruar kundër interesave të shtetit.

Shkarkimi u bë pas refuzimit të tyre për t’u transferuar në pozita të tjera.

Njëri prej të shkarkuarve, Miomir Orlaviç, i cili mbante pozicionin e “asistent administrativ” në Qendrën e Regjistrimit të Automjeteve në Istog, është përfshirë në dokumentet e siguruara nga Arbresh.info.

Vendimi tregon se shkarkimi i tij erdhi për shkak të mungesave të përsëritura në punë dhe shkeljeve disiplinore.

Sipas vendimit, Orlaviç nuk është paraqitur në vendin e punës pas transferimit të përkohshëm, pa dhënë njoftim. Arsye që ai ka dhënë, si mosnjohja e gjuhës shqipe, largësia nga shtëpia, paga e ulët dhe shqetësime për sigurinë.

Komisioni ka konstatuar shkelje të rënda disiplinore, përfshirë mosplotësimin e detyrave, moszbatimin e ligjit dhe braktisjen e punës për tre ose më shumë ditë.

9