Prishtinë, 10 shkurt 2026 19:00
Agjencia e Punësimit e Republikës së Kosovës ka njoftuar një zhvillim të rëndësishëm për tregun e punës, duke bërë të ditur se nga ky vit subvencioni mujor për punësimin e të rinjve në kuadër të skemës Kosovo Generation Unlimited (KGU) është rritur nga 170 euro në 300 euro.
Kjo skemë po zbatohet nga Qeveria e Republikës së Kosovës, përmes Agjencisë së Punësimit, në bashkëpunim me UNICEF dhe Odën Ekonomike Gjermano-Kosovare (OEGJK), me synim krijimin e më shumë mundësive për punësim të të rinjve dhe forcimin e bashkëpunimit me sektorin privat.
Sipas njoftimit të Agjencisë së Punësimit, rritja e subvencionit synon të ofrojë mbështetje më të madhe për bizneset, të nxisë punësimin e të rinjve dhe të ketë një ndikim më të qëndrueshëm në zhvillimin e tregut të punës në Kosovë.
Punëdhënësit dhe të rinjtë e interesuar për të përfituar nga kjo skemë ftohen të vizitojnë platformën zyrtare Kosovo Generation Unlimited, ku mund të gjejnë informacione të detajuara rreth kritereve dhe procedurave të aplikimit.
Kurti nga veriu: Asnjë kriminel nuk do të lejohet që të mbijetojë i pandëshkuar 
Kurti pas homazheve te memoriali i policëve të rënë në detyrë: Kosova është më e sigurt se kurrë 
Krerët e shtetit bëjnë homazhe pranë Lapidarit të Policëve të rënë 
26 Korriku, dita kushtuar policëve që sakrifikuan jetën për Kosovën 
Për gjashtë muaj, 46 viktima në 45 aksidente fatale 
Lirohet i riu nga Kosova që u ndalua nga policia serbe në Horgosh 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe?